٣٠‏/١٢‏/٢٠٠٦

إعدام صدام حسين و ترك محمود بكر يعلق من منازلهم


أتعجب بشدة من رفض أو تعجب أو صدمه أي عربي من إعدام صدام حسين الراجل كان عميل للأمريكان ربوه و كبروه و دخلوا العراق في حروب بسذاجته و إنسياقه وراء توجيهات الأمريكان حتي دخلوا العراق بعد أن أنقلب عليهم صدام , و لم يكتفي صدام طوال حكمه بإنهاك إقتصاد واحدة من أغني الدول العربية في الحروب ده كمان ظبط كل طوائف العراق من أكراد و شيعة و سنة كمان ,صدام كان رئيس خائن للأمانة رئيس خان أتباعه - راجعوا ملف صعود صدام- صدام خان شعبه و خان الأمانة و أي أمانة مش شيك بمليون جنية دي بلد بحالها ورطها منذ صعودة السياسي و حتي إعدامه ,قد يري البعض أن فكرة إعدام رئيس دولة من بلد زي أمريكا شيء كافي للتعاطف معه ولكن الرؤية الصحيحة للموضوع هي إعدام عميل بواسطة رئيسه و لا يمنع ذلك عن الطرفين أن نكرهم , نكره أمريكا عند تحتل العراق و لكن لا ننسي أن السبب في ذلك هو سياسة العميل صدام .

صدام حسين أعدم و لن يضار العراقيين من إعدامه بقدر ما أضيروا من حياته , و في خضم هذه الأحداث و وسط توقعات الجميع بهزيمه لا بأس بها للزمالك من المارد الأحمر العائد لتوه من سلسلة إنتصارات كبيرة اصطدم بالمعلق الفضائي محمود بكر عم محمود الذي أنتهج أسلوب جديد في التعليق و هو التعليق من منازلهم عم محمود أستحضر أرواح إبراهيم و حسام حسن في مباراة الزمالك و الأهلي و الحمد لله أنه لم يستحضر روح الخطيب أو الضوظوي , محمود بكر فأجا الجميع بتعليق لا يشوبه أي صحه كان يعلق و كأ،ه يعلق من تلفزيون أبيض و أسود 14 بوصة كان يقول عن طارق السيد وائل القباني و أبو العلا كان حسام حسن و عبد الواحد السيد في أحد الفاولات تجرأ و وقف في الحيطة بتاعت الزمالك لم أتحمل هزي الأستاذ محمود و أضطريت لاستخدام الزرار المعجزة ميوت لأخلص عقلي من هذا التشتيت و منذ هذه اللحظة استطعت متابعة المباراة بسهولة و كمان كنت بأعلق عليها براحتي عموما هارد لاك للزمالك عمل ماتش جامد و مبروك للأهلي الذي يستحق هذا الفوز و ليذهب صدام حسين و محمود بكر للجحيم



هناك ٥ تعليقات:

Amira Hassan يقول...

والله يا حيبيبي انا بحييك انك بتقدر اساسا تقعد تتفرج على ماتش كوره...انت عارفه بقى انا بكرهها عمى

بس ممكن اقعد اتفرج عليه معاك في حالة واحده بس...لما نكون في بيتنا ان شاء الله

أحمد فؤاد الدين يقول...

متخافيش يا حبيبتي عقبال ما نتجوز ان شاء الله يكون الزمالك نزل درجة تانية و ابطل اتفرج علي كورة اساساً

مُصْعَب إِبْرَاهِيم يقول...

أنا عن نفسي لغاية دلوقتي مش عارف المفروض يكون رد فعلي ايه!!!!

بس ما علينا، ربنا يخليك أنتة وأميرة لبعض وتتفرجحوا يا عم على ماتشات كورة أوروبي ، بلا زمالك بلا أهلي..

وحلوة أوي الـlabel بتاعت الومالك اللي أنت حاططها، حسيت إنها من صلب الموضوع :D

غير معرف يقول...

الزمالك والله صعبان عليا رغم انى زملكاوى صميم هل ذنبنا اننا طعلنا زملكاوية ولا ايه معرفش انا ام الفرقة الهباب دى ومجلس ادارة معفن بيدور على مصلحته والله يا صاحبى انا احترت فى امر الزمالك ده بس شكله كده هيبقى تمام يعنى ويهتصلح مع هنرى ميشيل قول ان شاء الله ياعم

=====================

على فكرة انتا خلتنى اطلع اللى جوايا كله رغم انى عمرى مكلمت فى مدونة حد عن الكورة خالص وبالذات الزمالك هههههههه

==================

ربنا يارب يارب يوفقك انت واميرة ومفيش حاجة تقدر تفرقكم عن بعض خالص

koukawy يقول...

اول حد اقراله و يكون متفق معايا في الرأي في الموضوع ده00