مصر تساعد البرنامج النووي الإسرائيلي أدعوا للريس بالصحةوالعافية
الحمد لله يا شعب مصر الغاز المصري وصل إسرائيل بالسلامة و كمان الشيكلات اليهودي وصلت مصر علي هيئة دولارات بعد ما رجل الاعمال اليهودي دوراد أشتري 35 مليار متر مكعب من الغاز الطبيعي المصري بملياري دولار - مش عارف بصراحة كام شيكل - لكن خلاص تمت الصفقة بين الراجل اليهودي وشركة إيه أم جي المصرية لشراء 35 مليار متر مكعب من الغاز الطبيعي المصري للمساعدة في بناء مركز طاقة نووية في أشكيلون ياله مبروك علينا القرشينات و مبروك عليهم الغاز و الطاقة النووية
( دي واحدة إسرائيلية بتولع البوتاجاز بتاعها بالغاز!)
التسميات:
إسرائيل,
البرنامج النووي الإسرائيلي,
الغاز المصري
هناك ١١ تعليقًا:
قصدك يا حبيبي مبروك "عليهم" القرشينات
مش "علينا" احنا
و بمناسبة البوتاجزات و كده ابقى فكرني نعمل عندنا في البيت غاز
يعملولهم بتاع 8.4 مليار شيكل ...
يللا شكل النهاية قربت ربنا يلطف بينا
(وحشتني ياواد .. ابقى كلمني)
مصر ــــــــ اسرائيل
مابقوش يفرقوا عن بعض كله بقى فى البتنجان بقولك ايه انت البلوج بتاعك ده بقى خطير (جمجمة وعضمتين )
واتش يو باك
هو المفروض مين يبارك لمين
ولا اقولك مبـــــــــارك علينا كلنا
يا لهون !!!!!!
هو الغاز ده كله مكنش دخل اسرائيل
شوفت بقى اننا اصحاب فضل عليهم
فضل وعدل يا ابني
عادي يا فؤش هي جت على دي
عم أحمد كامل عندك حقو الله , أنت وحشني موت
ليه مقلتش مبارك علينا و عليهم؟
ماهو كابس علي الجميع..
يا جدعان انتو المفروض تفرحوا
لاننا بقالنا سيرة في اسرائيل اننا بنديهم غاز
اللهي تولع بيهم قادر يا كريم
ومنك لله يا مبارك الزفت
بس يعني انت جيت علي اسرائيل
دي العقبة الاردنيةكلها مليانة غاز مصري ومش في منطقة فيكي يا عقبة مش فيها غاز
واحنا بقالنا سنين مقدمين علي الغاز في المنطقة فبعتولناانبوبة
يا احمد دى خطه الحكومه عملها هما مش هبل يعنى عارف سياستهم ايه؟
اننا بكده هانكون كسرين عين اسرائيل وخيرنا عليهم وبكده فى اى مناسبه عندنا اسرائيل ها تيجى تنقط
شفت بقى حكومتنا ذكيه اد ايه دى سياسات طويله الامد
لكن عارف ايه اللى مخوفنى الصوره اللى فيها الاسرائيليه بتولع البتوجاز
ينهار اسود دى بتولعه بالكبريت يعنى ما عندهمش اشعال وهاندخل فى مشاكل جديده ويجوا يعملو صفقات على اشعالات
وهنا ها تبدأ المشكله كله الا الاشعالات احنا عمرنا ما نوافق على كده ابدا
كله الا الاشعال
أنا بس عندي سؤال... البوتاجاز هناك "عليه حراس" زي عندنا؟!!
إرسال تعليق