عنيها حلوة قوي
عمرك قبل كده دخلت سينما و خرجت منها و انت مش فاكر أي حاجة من الفيلم ؟!
أحياناً بيحصل لما الفيلم يكون كتكوت مثلاً أو لو دخلت السينما مع حد بتحبه ,ده اللي حصلي بالظبط أنا دخلت فيلم "لعبة الحب" مع حبيبتي أول يوم العيد و كان بقالي فترة ما شوفتهاش أكتر من 604860 ثانية تقريبا دخلت الفيلم و لاقيت رأسي من نفسها تتحرك ناحية اليسار حيث تجلس أميرتي بجواري و عينك ما تشوف إلا النور و لا كلمة من الفيلم فاكرها مش فاكر غير عنيها لما كانت تأخد بالها إني مش مركز في الفيلم فتبص لي و تضحك و ينتفض جسدي و يهدد قلبي بالقيام بعملية إنتحارية و تفجيري لو فكرت أبص الناحية التانية و يستمر الفيلم و أنا أتابع حركاتها و أنفعالتها و نظرات عنيها لأخرج من السنيما و يسألني صديقي إيه رأيك في الفيلم ؟؟
فأرد "عنيها حلوة قوي"
هناك ٣ تعليقات:
هههههههه
ماشي يا عم..
e7m..gameel gedan enak tshof el film fe 3eneha..a7yek 3al fekra elgamda deh..
واضح ان الفيلم كان رائع.. ههههههههههه
إرسال تعليق