مش فارقة نتكلم

بدون عنوان

2008-06-13T03:03:00.003+02:00

لماذا تحتفظ بعض الكلمات بقيمتها فقط تناسبها مع قدر الأشخاص، لماذا لا تكون قيمة الكلام مطلقة ، بحيث تصلك الكلمات حتي وإن كانت من شخص يقرأها من كتاب لا تعرفه وبالتأكيد لا تكترث لمبدأ تواطؤا القدر ،بعض الكلام بالفعل يفقد قيمته من دون قيمة صاحبه فأفضل العبارات في التاريخ أجتذبت أهميتها من مقدار قائلها ، القرآن الكريم وهو أفضل ما قيل أو سيقال يستمد أهميته من قيمة قائله وناقله وليس العكس فكلمات القرآن دون الصبغة الإلهية مجرد كلام .

لن أبدا حكاية اليوم بالطريقة ذاتها ابتدع فيها شخصية وأحاول أن أغير في طولها وعرضها وأبعادها النفسية والشكلية حتي لا يعرف أحد أنني بالفعل هو ذلك الشخص .
لا إنه أنا وهي قصة لن تكون مثل قصة بروطاس وقيصر أو قصة الخيانة التي تأتيك من أقرب أصدقائك وإن كنت أظنها كذلك، لأول مرة في حياتي سأضع نفسي في موضع الجاني وليس الضحية كما قال هو عني وعن دور الضحية الذي أتفنن في إبداعه بأشكال مختلفة تتناسب مع طبيعة الموقف والظروف.

إذا فلنتبادل الأدوار أنا والرواي بحيث أكون أنا الشخصية الظالمة وأروي القصة بحيادية بل بتحيز تام ضدي لعل النتيجة تختلف وأصبح علي خطأ عكس ما نفعل جميعاً.

أولاً يرفض هو أن أنعت ما يحدث لي بأنه جميعاً أو كلنا دون أي إحترام لذاتي المتضخمة ولإنتمائي لبرج الثور الطيب الهاديء البيتوتي الأناني المتحفز المحب للجنس والإنتقام دون أدني ترتيب أو تخطيط لهذا الإنتقام ، ولكنها الحقيقة المطلقة أننا نظن جميعاً أن ما يحدث لنا هو جميعاً وليس أنا فقط ، ترفض الإستيعاب وتتعامل بنفس المنطق ،تحاول أن تبدو الشخص الأقرب للحكمة بصبغة الصديق ،ولا أحاول أن أنقص من شأنك فللأسف أتحدث عن شخص له تأثير وسيكون أكثر تأثيراً في دائرته المحيطة وكل الدوائر التي تصلها رد فعل الأحجار التي يرميها في المياه الراكدة أملاً في تحسينها .

ما فعله كان إلقاءً لحجر في بركة مياه تبدو للمتوهم مملؤه لكنها كانت في الحقيقة سراب وأصطدمت أحجاره الكريمة بجدار القلب لتحدث شرخاً لو ألتئم لعرفت أني من فصيلة الحمار الوحشية وأن إنتمائي لبني أدم غلطة مطبعية قلما تتكرر .

بدءت أول أحجاره الكريمة في السقوط علي سرابي الحقيقي بنعوت إن أفترض وجودها في حمار وحشي فالحمير منه بريئة ،لعله كان يظن أن علمي بأخطائي سيحول مساري ظن المجتمع أن السجن تهذيب وإصلاح ،

أجد صعوبة كبيرة في إعادة كلماته فأول ما أتذكره أني أحرف الكلام وهي بالفعل صفه موجودة وأعتز بها وإن كنت أقرنها بنعمة النسيان ونعيم الألزهيمار ،فأنا كائن ينسي ما سمعه وبالتالي تأتيه الفرصة لتحريف الكلام إستناداً لمبدأ النسيان، أستغل هذه الطريقة لأخدع بها نفسي وأعبر عن الكلمات بالطريقة التي ترضيني لعل ذلك نابع من سخطي علي الكلمات نفسها التي نسيتها لأرتفاع نسبة التلوث النفسي بها عن الحد العالمي .

لو حاول هو أنا يعيد هذه الكلمات فلن يستطيع أن يكررها بنفس النبرة والحرفية والتعبير فالحقيقي أن الكلام يخرج بالإحساس ومع علمي التام بإختلاف إحساسه الآن عما كان عليه لحظة حوارنا فهو سيكون مثلي تماماً يحرف كلماته شديدة التلوث لتبدو ضارة لكن لا تسبب الوفاة .

يتهمني بحب السيطرة والظهور ويا لعبقرية الإستنتاج يبدو أنه لم يقرأ أبداً عن مواليد الثور أو أنه لم يلحظ ذلك طيلة السنوات التي جمعتها وأقترن فيها أسمينا بعبارة الأصدقاء ،بالفعل أحب السيطرة واشتاق لها بل لعلي أذهب بعيداً وأقول أن فقداني للسيطرة يسبب لي الجنون ويفقدني عقلي تماماً ،خاصة وإن كانت هذه السيطرة تأتي بمجهود كبير فحبي للسيطرة يجعلني أفعل كل شيء –لأني أفترض أني قادر علي فعل أي شيء بالمعني الحرفي للكلمة- .

يعتبر هذا المجهود محاولة لتصغير دور الآخرين وتقليلاً من قدرهم بالفعل هو كذلك فلآخر مرة سأفترض أنك لم تقرأ صفات برج الثور ،ولن أتحدث عنك فأنا الجاني وأنت الضحية الآن ضحية حقيقية لن أحاول تشوية صورتها لأغراضي الدنيئة –وهي الكلمة التي لم يذكرها لكنها نعمة النسيان- .

أنا بالفعل أتمتع بكل الصفات اللطيفة التي منحتي حق الحصول عليها دون أي إشتراكات أو رسوم منحة لا ترد ولن أردها فأنا الجاني .

بالفعل لدي الكثير لأقوله لكن نعمة النسيان التي تجعلني بعد كل فقرة أضطر للرجوع لبداية القصة لأعرف ماذا سيحدث في الفقرة القادمة حتي مللت التحريف والتغيير أنا كذلك ..أنا هو كما تريد.

ولكن تأكد أني لن أعطيك الفرصة لمعرفة أخطائك التي أعرفها للغاية وأكتشفها يوماً بعد الآخر ليس لأن أنانية هذا البرج تسيطر علي لكنك لن تسطيع تحمل تكلفة معرفتها فأنا علي علم كامل بفاتورة الأخطاء وليس أيضاً لألعب معك لعبة الطيب والشرير الذي يظل للنهاية يدعي أنه يفعل ذلك ويرفض تلك من أجلك لكن لأن ما بعد التكاليف الباهظة راحة تامة سأمنعك منها .

تبرع أنت في اختيار العناوين لذلك سأتركها بدون عنوان انتظاراً لإبداعك.

أرجو أن لا يسأل أحد عن الشخص أو يتبرع بتخمينه فالقصة خيالية كما ذكرت في البداية.

Safari ِAs7ab fe ba3d

2007-11-05T16:47:00.000+02:00

Fantastic Four

2007-10-22T13:59:00.000+02:00

من اليمين لليسار حيمس كاميرون ستيفن سبيلبيرح مارتين سكورسيزي فرانسيس فورد كوبولا

Officialy Confirmed

2007-09-07T16:52:00.000+02:00

الإستفتاء الرئاسي الأول

2007-09-02T16:13:00.000+02:00

الريس شكله يبقفل ملفه يا جدعان و هيقدم في تنسيق الآخره و طبعاً أنتو عارفين إن السيد جمال هيرشح نفسه وأنا بصراحه مرشح نفسي ضده اللي عاوزني رئيس للجمهورية يقدر يرشحني من خلال الإستفتاء اللي علي اليمين

أحمد فؤاد الدين
رجل المرحلة وكل مرحلة

كليب عمرو دياب الجديد نقول اية

2007-08-15T15:03:00.001+02:00

Memento,God Father, Ameile, Forest Gump شكراً يا عبد الوهاب

2007-08-07T13:52:00.001+02:00

السيد أحمد عبد الوهاب صديقي ادالي شوية افلام كده اسلي نفسي بيهم مش عارف اقول ايه بصراحه غير يخرب بيت عقلك يا عبد الوهاب ايه الافلام بينت اللذينه دي حبيتبصراحه اتكلم عنهم كده في السريع عشان مش هينع غير بلوج لكل فيلم و انا مش هاعرف اعمل كده عموما ده رأيي السريع في الافلام دي
Momento
تحفة أحلي مونتاج شفته في حياتي إلي جانب تقطيع المخرج العبقري كريستوفر لونان للقصة لازم تشوفوا الفيلم ده يا جماعة ثلاث مرات علي الأقل عشان تستوعبوا الفكرة العبقرية بتاعته و طبعا عاوز اشكر المخرج بالمرة علي فيلم بريستاج
Forest Gump
يخرب بيتك يا توم يا هانكس مش مصدق إن اللي كان بيمثل ده توم هانكس ده يا جدعان فورتس جامب اكيد اداء عالي فحت من توم هانكس و هو اعلي من الإخراج الجامد قوي و أعلي من القصة الحلوة كمان كفاية قوي إنك بتتفرج علي واحد متأخر عقلياً و مش قادر تقتنع غير بكده
Lord Of the Rings
12 ساعة تقريبا هي مدة الثلاث أجزاء مخدتش بالي خالص إني بقالي ثلاث أيام بأتفرج علي الفيلم قصة رائعة جداً شخصيات جديدة و غريبة و تمثيل أكثر من خرافي للبطل الصغير فرودو اللي مش فاكر اسمه الحقيقي ايه كام مشهد وهو بيموت او بمعني تاني بيتعرض للموت في الجزء الأول والتاني والتالت يقولك انه بجد ليه مستقبل جامد فحت بس برضه لاقصة والإخراج العالمي لبيتر جاكسون هما الأصل و المزيكا حلو كمان

When Harry mets Sally

فيلم ممتع جدا كان نفسي اشوفه من زمان شخصية البطل عجباني قوي قوي و شخصية ميج رايان بحبها بجد

Amelie

حالة من الفرحة والسعادة والرضا عن العالم وكل الكائنات الحية والميتة والمتسلقة والزاحفة واللي بتطير اجتاحتني بعد ما شوفت الفيلم ده فيلم فرنساوي و نادرا ما اتفرج علي فيلم فرنساوي بس فعلا ابداع علي الاخر الإخراج عجبني قوي قوي و القصة تحفةو تسلم ايد اللي عملوه

The God Father

اظن ان اسم الفيلم هو التعبير الوحيد اللي ممكن يتقال عن الفيلم نفسه الأب الروحي لكل الأفلام وأحسن فيلم أتعمل في تاريخ السينما العالمية و لسه قدامنا كتير قوي عقبال ما نشوف غيره مارلون براندو خلاني هاعيط من تمثيله وأل باتشينو بهدل الدنيا و عمنا كلن فرانسيس فورد كوبولا ربنا يكرمه يارب علي افيلم ده :)

تاني شكراً يا عبد الوهاب دي الأفلام اللي لحقت اشوفها الباقي لما اشوفه هاعلق عليه يا شقيق

حكياتي

2007-08-01T14:39:00.000+02:00

مش عارف أشكركم إزاي أميرة حبيبتي ووئام الصديقة العزيزة علي دعوتهم ليا عشان أكتب في قصتهم العبقرية ،اه فعلا الموضوع صعب بس ربنا يستر بقي ده المفروض الجزء الأول من الجانب الآخر من النهر علي رأي وئام تقدروا تشوفوا الأجزاء الثلاثة الأولي علي الجانب الآخر برضه من هنا

الجزء الأول

الجزء التاني

الجزء التالت

حكياتي

"أنت بتدخن من إمتي يا يوسف" قالها أحمد بسخرية و قليلاً من الحزن علي صديقه الذي جمعهم الزمن لأكثر من عشرين عاماً منذ أن كانوا في مدرسة واحدة مشتركة رغم الكراهية المتبادلة في فترة الدراسة إلا أن الحياة العملية حولت تلك الكراهية الصبيانية إلي صداقة قوية فالكراهية التي نبعت من تفوق يوسف و إنعزاله عن باقي زملائه في الفصل و فشل أحمد المستمر لم يكتب لها الإستمرار عندما تعرف أحمد علي يوسف الحقيقي خارج القميص الأزرق والبنطلون القماش .

لم يكترث يوسف بكلمات أحمد أو بنظراته واستمر في تدخين سيجارته الميريت الزرقاء حتي كسرت كحته الشديدة صمتهما .

"سيبك يا ابني من السجيار دي مش هتحل أي حاجة مش أنت أول ولا آخر واحد يطلق , تصدق انا ليا واحد صاحبي طلق أربع مرات ، اه والله مش مصدق أديك رقمه" كالعادة لم يعلق يوسف علي كلمات أحمد لكنه فجأة انتبه لشيء ما ورد عيه" مش أنت كنت بتتحايل عليا أدخن لما كنا في المدرسة فرقت إيه دلوقتي ؟" تعجب أحمد من تعليق يوسف ولكنه تفهم أنه لا يريد الحديث عن حادثة طلقه من زوجته التي أحبها ولم يتوقع أكثر المتشائمين حدوث هذا الطلاق في أول يوم لزواجهم ، ولكن مفاجأت يوسف لم تتوقف عندما استكمل حديثه "أحمد فاكر سلمي ؟"، "سلمي مين ؟ سلمي قصدك سلمي ؟" كانت الصدمة اقوي من رد فعل أحمد الذي لم يتوقع أن يتحدث يوسف عن ذكريات بمثل هذه السوء في هذه الحالة ، ولمدة دقيقة أو أكثر تذكر أحمد قصة يوسف وسلمي .

المشهد يبدو متشابه نفس جلسة يوسف علي المقهي تماثل تماماً جلسته في الصف الأول في فصلهم المشترك سلمي تجلس في الصف المجاور له ورغم تعودها علي الجلوس في المقاعد الخلفية مع صديقتها اللاتي يشبهن ساحرات ماكبث وهو اللقب الذي أطلقه عليهم مدرس الإنجليزي"The Three witches"

إلا أن حاجة في نفس سلمي جعلتها في الصف الأول مع بداية اليوم فبسلطتها و تسلطها يمكن أن تجلس في أي مكان ، تنورتها القصيرة التي رفعتها من أعلي لتبقي سنتيمترات قليلة من السواد تمنع المتابع من رؤية بعض التفاصيل المهمة ،شعرها الغجري الأحمر وخصلتها المنسدلة علي جبينها من ناحية اليسار كأنها تشير لشخص ما، حتي ساقيها اللاتي التففن ليرفعها طرف تنورتها لأعلي يؤكدان أن يوسف هو الضحية القادمة ،ولكن صديقنا العزيز كان منبهراً بفلسفة ماكسويل في تفسيره لتكوين الذرة .

الليلادي كله حب حب مفيش شتيمة

2007-07-20T23:08:00.000+02:00

ألبوم صيفي جميل متميز يحتوي موسيقى مختلفة وتوزيعات جديدة وكلمات بسيطة تقليدية أحياناً ومتميزة في أحيان أخري هذا هو ألبوم "الليلادي" للنجم عمرو دياب الذي صدر رسمياً في الأسواق يوم 11/7/2007 ولكنه صدر للجمهور من خلال التسريب يوم 7/7/2007 وهو نفسه اليوم الرسمي الذي أعلنته روتانا ثم تراجعت عنه.يحتوي ألبوم دياب علي عشر أغاني جمع فيها العديد من ألوان الموسيقي الغربية التي يستمع إليها الجمهور العربي لأول مرة من صوت مصري ، البداية مع "نقول إيه" وهي أغنية علي إيقاع موسيقي التريبال هاوس "Tribal House" وهي موسيقي جديدة جداً علي الجمهور العربي الذي لم يتعود أن يستمع إلي خلفية موسيقيه غير متناغمة بشكل كامل مع اللحن الأصلي وهو الأسلوب المتبع في موسيقي الهاوس التي اشتق منها التريبال هاوس واستخدم الموزع الشاب الجديد حسن الشافعي الدرامز والكيبورد والسامبلر إلي جانب الترانسات والسيكوينسر ولم يتوقف الشافعي عند هذه الآلات ونقلها كما هي لكنه أضاف جملة رائعة جداً في التوزيع وهي الكمان كفاصل موسيقي أعاد الجمهور لشرقيته وكان أداء دياب في الأغنية متميز للغاية خاصة وهو يغني نفس المقاطع بطرق مختلفة منعت الملل عن الجمهور من كثرة تكرار المقاطع كتب الكلمات الشاعر الرائع أيمن بهجت قمر ولحنها المتميز جداً عمرو مصطفي ،وأنتهي دياب من تصوير الأغنية مع المخرج مروان حامد في لوس أنجلوس ويتوقع أن تكون علي أحد شواطيء المدينة التي تتميز بساحل طويل جداً.

الأغنية الثانية في الألبوم والتي حملت اسمه هي "الليلادي" وهي من أكثر أغاني الألبوم اكتمالاً الكلمات رائعة جداً كتبها أيمن بهجت قمر ووصل لقمته في المقطع الثاني في الأغنية عندما كتب "قالوا ياما إن القمر عالي وبعيد والملايكة مستحيل تلمسها إيد وأنا الليلا ديا كل ده في إيديا يمكن في الدنيا دي أكون أنا الوحيد" يصف فيها حالة الإنسان المحب الذي يعيش لحظات جميلة مع حبيبته كأنه وحيد في هذه الدنيا لا يوجد أي شخص يشاركه متعة الحياة، واللحن مرة أخري لعمرو مصطفي وهو لحن متميز جداً وبعيد تماماً عن لحن أغنية سواي"Sway" التي أتهم الكثير الملحن عمرو مصطفي بأنه سرق لحن الأغنية التي غناها أكثر من 41 مطرب حول العالم وترجمت لأكثر من ست لغات وكانت النسخة الأولي منها قد ظهرت باللغة الأسبانية تحت اسم "Quién Será" عام 1953 للمطرب المكسيكي "بابلو بلتران" وبعد نجاحها غناها المطرب "دين مارتن" بالإنجليزية تحت اسم سواي عام 1954 ، ولكن المشترك بين الأغنيتين هو إيقاع "المامبو" الذي أظهر التشابة بينهم لأن الجمهور العربي لم يستمع لأي أغنيه بهذا الإيقاع من مطرب عربي ومرة أخري يبدع الشاب الجديد حسن الشافعي في توزيع الأغنية من خلال العديد من الآلات التي تميز إيقاع المامبو مثل الترومبيت والبيانو و"الأبرايت باز" وأضاف الشافعي الجيتار الأسباني في الفواصل الموسيقي مما أعطي للأغنية جو راقص ممتع وأكمل عمرو دياب الأغنية بصوته الرائع وأداءه العالي في الأغنية وارتفاع صوته عندما وصلت الأغنية لحالة الذروة دون أن يكرر المقاطع بملل.

بهجة وسعادة ستسيطر عليك عند استماعك لأغنية "طول ماانا شايفك" فرغم تكرار الكلمات التي تبدو للوهلة الأول مملة وعادة إلا أنها تحمل إحساس عالي من مجدي النجار الرفيق القديم لدياب،وجاء الأداء السهل الممتنع لدياب في الأغنية مع لحن محمد يحيي البسيط ليعطي حالة من الدفيء في أغنية بسيطة وجميلة بتوزيع متميز للشافعي مرة أخري.

من خلال أربع دقائق فقط تستطيع العودة ثلاثين عاماً للوراء فأغنية حكايات هي ببساطة أغنية رائعة من زمن فات فهي تتشابه مع حالة أغنية "أهواك" للراحل عبد الحليم حافظ ومع وجود كلمات مشتركة بينهم تتكرر مثل هواك وأنساك تجد أن الدنيا من حولك قد أكتست باللون الأبيض والأسود وبحالة من الرومانسية الحالمة التي نفقتدها الآن كثيراً ، اللحن لمحمد يحيي والكلمات مرة أخري لمجدي النجار والتوزيع جديد أيضاً للشافعي فهو موسيقي روسية لاتينية تسمي "لاتن بوسادا" واستخدم الشافعي في هذه الأغنية آلات متناغمة جداً مع حالة الأغنية مثل الجيتار والوود درامز والبيانو وفي الفواصل الموسيقية استخدم الشافعي الباز جيتار والساكس ، والبيانو والساكس تحديداً هم المسؤليين عن حالة التشابه الجميلة بين حكايات وأهواك.

"أنت الغالي" آخر أغاني الوجه الأول وأقل أغانيه كلمات عادية وقد تجدها مملة أحياناً لكن الموسيقي والتوزيع هما الشيء الوحيد الذي رشحها لدخول ألبوم عمرو دياب الجديد فالموسيقي هي الهيب هوب"Hip Hop" موسيقي مشهورة جداً حول العالم غني عليها إيمنيم وشاكيرا وفيفتي سينت لكن عمرو دياب لم يذهب بعيداً في هذه الموسيقي وأعطي هيب هوب أقرب لللايت ، والكلمات مرة أخري لمجدي النجار الذي لم يقدم في هذه الأغنية ما عودنا عليه اللحن لليبي المميز البدري كلباش الذي لحن لعمرو "نور العين" و" كمل كلامك" .

أولى توزيعات فهد في ألبوم دياب هي أغنية "روحي مرتحالك" التي أحتوت موسيقي قريبه جداً من "الريجا تون" التي غناها عديد من المطربين العالميين منهم "دون عمر" ولكن عدم أرتفاع صوت الإيقاع الرئيسي للأغنية هو السبب في عدم وضوح هذا الإيقاع الذي يعتمد في الأساس علي الإيقاع القوي الثابت في الأغنية ، الكلمات جميلة لكنها أيضاً عادية من أمير طعيمة واللحن لمحمد يحيي والأداء المتميز لدياب من خلال التنويعات التي استخدمها في غنائه هذه الأغنية .

كعادته يبدع الشاعر الكبير بهاء الدين محمد في كتابة القصص الشعرية القصيرة التي دائماً ما يلحنها عمرو دياب –بإستثناء وهي عاملة إيه دلوقت- جاءت "أغنية قالتلي قول" التي تحكي قصة شاب يحب فتاة ،تسأله عنه حبيبته القديمة وهل كان يحبها وهي بالفعل سؤال صعب قد يحرج أي حبيبين وجاء لحن عمرو دياب متميز جداً لصعوبة كلمات الأغنية ،وعاد التميز لعمرو دياب لكن هذه المرة من خلال أداءه في الأغنية وخاصة في مقطع "أول ما قولت بعيني كنت بأحبها حسيت كأن الكلمة جرحت قلبها قالتلي كمل ،قلت أكمل إيه بقي ،أنا قلت إزاي يا قلبي جرحتها" والتوزيع الثاني لفهد في هذا الألبوم والذي أضاف لأغنية علي نغمة المقسوم جمل متميزة مثل الإليكرتيك جيتار في الفاصل الموسيقي .

الثنائي الآخر المتميز الذي تعامل مع دياب هو الشاعر خالد تاج الدين وعمرو مصطفي من خلال أغنية "وفهمت عنيك" وهي من أفضل أغاني الألبوم ، البداية الموسيقية للأغنية علي أروع ما يكون لأغنية رومانسية بيانو وجيتار وناي علي إيقاع الدرامز والبيركاشن إلي جانب الأوكورديون الذي يتخلل الأغنية ولم يقع حسن الشافعي في فخ التكرار باستخدام البيانو في مقدمات الأغاني الرومانسيه لكنه ترك للجيتار والناي دور جيد في مقدمة الأغنية وأعطي للدرامز الدور الأكبر ويعتبر أداء دياب في الأغنية هو الأعلي في الألبوم كله من خلال كلمات غاية في الروعة ومقاطع مثل "وفهمت عنيك ما أنا خدت عليك" و"طب أقولك إيه بتفكر فيه يا حبيبي وإيه شاغل بالك من نظرة أنا ممكن أقولهالك"و نهاية متميزة للأغنية بإنخفاض تدريجي لصوت دياب دون تكرار ممل للكلمات الأغنية تنتهي بعد أقل من أربع دقائق وكنت أود ألا تنتهي أبداً .

الفرحة هي التعبير الوحيد الذي سيسيطر عليك وأنت تستمع إلي "ضحكت" التي كتبها المبدع بهاء الدين محمد وبالتخصص لحنها دياب كلمات جميلة جديدة أيضاً ومقدمة موسيقيه علي نغمة المقسوم ولا يوجد أي تشابهه بين هذه الأغنية وأي أغنية أخري لأن البعض شبه المقدمة الموسيقية بأغنية أخري متناسيين أنهم يجمعهم نفس النغمة "المقسوم" وهي النغمة التي لحن بها دياب العديد من الأغاني التي لو استمعوا لها سيجدوها متشابه أيضاً !!أداء دياب في الأغنية كان جيد والطبقة التي غني منها الأغنية كانت موفقه للغاية وكان توزيع فهد متميز كالعادة وأحتوي الفاصل الموسيقي علي صولو جيتار جميل .

آخر أغاني الألبوم ورغم حالة الإرهاق التي أصبت بها بعد سماع هذه التنويعات الموسيقية والأغاني المتميزة إلا أن "خليك معايا" تجبرك علي التركيز معها حتي ينتهي الألبوم علي صوت خافت لعمرو دياب وهو يقول خليك معايا ، البداية أكثر من متميزة من خلال جيتار لمصطفي أصلان وبيانو للموزع والمغني الشاب نادر حمدي البداية هذه المرة كانت للبيانو ثم تدخل متقن للجيتار أدهشني به الشافعي الذي لم يكرر أي توزيع رغم توزيعه لسبع أغاني دفعة واحدة في ألبوم دياب ،الكلمات رائعة لأيمن بهجت قمر رغم أن الكلمات الأصلية للأغنية قد تغييرت بشكل جذري ولم يبقي من الكلمات القديمة إلا "خليك معايا" ورغم ذلك فإن المقطع الثاني من الأغنية ليس علي مستوي المقطع الأول وجاء صوت دياب وأداءه متناغماً مع الحالة الرومانسية للأغنية والتي تطلبت عدم خفض صوته لأن الكلمات هي من حبيب ينادي حبيبه فلا يمكن أن تغني مثل وفهمت عنيك لأن الحالة مختلفة.

في النهاية يمكن القول أن عمرو دياب قدم هذا الصيف ألبوم متميز صيفي جداً لم يحتوي علي أي أغنية بها أي مشاعر كراهية وكأنه يريده صيف بلا مشاكل .

إيمنيم نجم أبيض في رداء السود

2007-06-04T15:55:00.000+02:00

لم يعد من الصعب على أي شخص أن يصبح مشهورا، فماكينات الدعاية العملاقة مستعدة لتحويل أي شخص عادي إلى نجم كبير، لكنها في الوقت نفسه تفشل في صنع ظاهرة تبقى فترة طويلة في أذهان الجميع.

لكن النجم الأبيض "مارشل بروس ماثرز" أو كما أطلق على نفسه "إيمنيم" حول نفسه إلى ظاهرة واستطاع اقتحام بيت السود، والغناء معهم بل والتفوق عليهم، ورفع اسم موسيقى الراب عاليا، بعد أن كانت موسيقى شعبية خاصة بالسود في أمريكا.

يوميا كان يعود مصابا والسبب واحد، وهو محاولة الغناء مع السود بعد رحلته اليومية عبر شارع "8 مايل" الذي يفصل بين مدينتي السود والبيض في ديترويت، لكن إيمنيم لم ييأس حتى قام "دكتور دري" أحد منتجي مغني الراب الشهير باكتشاف إيمنيم، وإنتاج أول ألبوم حقيقي له تحت عنوان"The Slim Shady LP"، والذي حقق نجاحا كيبرا.

وتجاوز إيمنيم بنجاحاته زملاءه في الوسط الغنائي؛ حيث اتجه بأغانيه وكلماته إلى شاطئ جديد تلاقت عنده أحاسيسه وتمرده مع الجمهور الذي أحبه كمتمرد وأصبح أكبر من أن يحصى في العالم.

واستطاعت ألبوماته طرق باب النجاح بقوة بدءا من فوزه بالجرامي عدة مرات، وصولا لفوزه بأعلى الجوائز العالمية وهي الأوسكار عن أفضل أغنية معدة للفيلم، وهي
"Lose Yourself"
في فيلم "8 مايل" ، والذي تناول قصة حياة إيمنيم تقريبا بصورة كبيرة؛ حيث دار عن قصة شاب أبيض يعيش في ديترويت ويحاول الغناء مع السود، وحققت أغنيته في الفيلم أعلى مبيعات في تاريخ إيمنيم كأغنية فردية.

لم تخرج أية أغنية بصوت "إيمنيم" إلا من عقله أولا، فهو لا يغني إلا ما يكتب، ما أعطاه مصداقية عالية لدى جمهوره، كما أن لديه قدر كبير من التصالح مع النفس مكنه من انتقاد أي شيء يراه سلبيا، بداية من طفولته الصعبة مرورا بزملائه، والعري الذي يملأ قنوات الأغاني، وهو أمر صعب توقعه من أي مطرب في مجتمع مفتوح كالولايات المتحدة.

ففي المجتمع الأمريكي الكل يخاف أن ينعت بالمتخلف حضاريا، لكن إيمنيم لم يجد حرجا في انتقاد زملائه؛ حيث هاجم تعري جيسيكا سيمبسون وماري كات وأشلي وبريتني سبيرز ومادونا، إلى جانب انتقاده اللاذع لنجم البوب مايكل جاكسون من خلال أغنية كاملة هي

"Just lose it"
والتي عبر فيها عن رفضه لعمليات التجميل التي أجراها جاكسون.

وفي أحد مشاهد هذه الأغنية، كان إيمنيم يرتدي قناع جاكسون وفجأة تسقط أنفه، ويبدأ في البحث عنها، ويلي ذلك انتقاد القضية التي نالت كثيرا من شهرة جاكسون وهي تحرشه بالأطفال؛ حيث يجلس إيمنيم بقناع مايكل وخلفه أطفال يلعبون على سرير إيمنيم، و الرسالة واضحة طبعا.

وتجاوز إيمنيم في انتقاداته نجوم الفن، ليهاجم نفسه شخصيا من خلال أغنية
"When I am gone"،
و يتخيل فيها أن طفلته وزوجته يتخليا عنه بسبب سفره وبعده الدائم عنهم، الأمر الذي يقوده إلى قتل نفسه على المسرح أثناء أحد حفلاته، لكنه يستيقظ من النوم ليقبل طفلته وزوجته.

كما هاجم إيمنيم جمهوره أيضا الذي وصفه بأنه يزعجه كثيرا فهو لم يعد قادرا على العيش حياة طبيعية، وهو أمر لم نعده من أي نجم مطلقا، لكن إيمنيم لم يخف على نجوميته فهو يقول ما يدور في عقله دون خوف.

وقبل أسبوعين من الانتخابات الرئاسية الأمريكية الأخيرة، قام إيمنيم بطرح أغنية
"Mosh"
وجه فيها انتقادات حادة للرئيس جورج بوش الرئيس وحمله مسؤولية القتلى الأمريكان الذين يعودوا كل يوم إلى البلاد من العراق .

وكانت هذه الأغنية لها تأثير كبير على شعبية إيمنيم بالإيجاب، لأن الجمهور كان دائم السؤال عن توجهات إيمنيم السياسية، وقد ظهرت واضحة للغاية في تلك الأغنية.

ظاهرة إيمنيم تستحق الدراسة فهو الأبيض الوحيد الذي استطاع تحدي السود والحصول بعد ذلك على احترامهم أولاً ثم حبهم الشديد له، وهي معادلة يمكن القول إنها من المستحيل تحقيقها في ظل مجتمع عنصري، مثل المجتمع الأمريكي، فحتى الآن لا يستطيع أسود دخول ولاية مسيسبي، بينما يوجد حي يسمي هارليم في معظم ولايات أمريكا لا يستطيع أي أبيض دخوله إلى جانب العديد من مظاهر العنصرية.

لكن إيمنيم استطاع تنحية تلك العنصرية جانبا وتوحيد البيض والسود على شخصه وغنائه وكلماته، التي لمست كل مشاكل الأمريكيين تقريبا.

دي كابريو الصعود للقمة يبدأ بالموت

2007-05-27T16:02:00.001+02:00

قليلا ما نجد شابا لم يتجاوز الـ20 من عمره يتم ترشيحه لجائزة الأوسكار كأحسن ممثل مساعد، ولكن النادر ما يحدث أن يبقى ذلك الفتى نجما للشباك طوال 12 عاما، ويرشح للأوسكار عدة مرات، وتحتفظ أفلامه بالبريق الذي يجعلها دائمًا مادة جيدة للنقاد للجدل حولها.

إنه النجم الواعي "ليوناردو دي كابريو" أحد أشهر نجوم هوليوود، الذي ساعده الحظ في بدايته، لكن ذكاؤه وموهبته أعطياه القدرة على الاستمرار.

مر دي كابريو بمراحل فنية ناجحة في حياته، ربما كنت كفيلة بإنهاء مشواره مبكرا، وليس العكس، فترشيحه للأوسكار وهو شاب صغير عن فيلمه"What's Eating Gilbert Grape" كان كفيلا بإنهاء دوره في السينما عند هذه المرحلة، خصوصا أن بعض الممثلين أفل نجمهم بعد الترشيح أو الفوز بالأوسكار، فالصعود السريع عادة ما يعقبه تراجع، لكن دي كابريو نجح في الخروج من حالة النجومية، وبدأ العمل من جديد للفوز بأدوار جيدة.

وعادت مرة أخرى مشكلة النجاح السريع المدوي لتطارد دي كابريو عندما اختاره جيمس كاميرون ليلعب دور جاك داوسون في فيلم "تيتانيكTitanic "، حيث رشح دي كابريو مرة أخرى لجائزة الأوسكار كأفضل ممثل، وحصل الفيلم على 11 جائزة أوسكار، وهو أعلى رقم في تاريخ الجائزة.
وتخطت عائدات الفيلم المليار دولار، وأصبح ذكر اسم دي كابريو يعني ذلك الفتى الوسيم الذي اختير من بعض المجلات العالمية، كأوسم شاب على وجه الأرض إلى جانب حصوله على لقب رمز الجنس، وهو اللقب الشعبي لـ"دي كابريو" عند المراهقات.

وكان هذا القالب كفيل بترك دي كابريو نفسه ليؤدي فيلمين أو ثلاثة في نفس الدور، وينتهي به الأمر كمجرد نجم سابق، وهو تقريبا ما حدث مع زميلته في تيتانيك "كيت ونسليت"، والتي أفل نجمها سريعًا بعد نجاحها في تيتانيك، حتى أصبح من الصعب التعرف على أخبارها دون بحث مضني.

لكن دي كابريو عاد مرة أخرى، وتخلى عن دور الشاب الوسيم وبدأ يظهر للجميع في صورة الحقيقية، عندما قام بتصوير فيلمين في عام واحد هما"Gangs of New York" و"Catch me if you can" لاثنين من أهم مخرجي السينما الأمريكية، هما "مارتين سكورسيزي" و"ستيفين سبيلبرج"، ولم يتوقع النقاد من دي كابريو هذا الأداء العالي خاصة في فيلم "Catch me if you can".

وأكد الجميع أن دي كابريو تفوق على نفسه، وكذلك على توم هانكس الذي شاركه بطولة الفيلم، خصوصا في مشاهد النهاية التي أداها دي كابريو بحرفية شديدة، رشحته بعدها للفوز بجائزة الجولدين جلوب كأحسن ممثل دور أول، ولكنه لم ينالها حيث ذهبت الجائزة إلى النجم الكبير ريتشارد جير.

هذه النجاحات لم تمنع دي كابريو في التفكير في التغيير، فحتى في فيلميه مع سكورسيزي وسبيلبيرج كان شابا وسيما، ولكن بتعقيد في شخصيته انطلق دي كابريو بعدها ليؤدي ثلاثة أدوار مختلفة تمامًا عن كل ما فعله سابقا؛ أولها كان في فيلم "The Aviator" للمخرج سكورسيزي، والذي رشح فيه لجائزة الأوسكار كأحسن ممثل دور أول، ولكنه لم يفز بالجائزة أيضا رغم الإشادة به من قبل النقاد، واستحق الحصول على جائزة الجولدن جلوب عن دوره كأحسن ممثل في الفيلم.

أما الدور الثاني لـ"دي كابريو" فكان أيضا مع سكورسيزي في فيلم "الراحلون The Departed"، والذي حصل على أوسكار أحسن فيلم وأحسن إخراج في أول جائزة سكورسيزي، رغم تاريخه الحافل بالأفلام الجيدة للغاية، ورشح دي كابريو من قبل جمعية نقاد نيويورك للفوز بجائزة أحسن ممثل دور أول.

وفي هذا الفيلم، قام بأداء دور شاب دخل أكاديمية الشرطة وبعد انتهاء فترة تدريبه رفض طلب التحاقه بالبوليس، وانتهى الأمر إلى عمل دي كابريو كجاسوس للشرطة في إحدى العصابات الخطرة، وأحد أسباب ترشيحه للعديد من الجوائز في "The Departed"، هو المباراة التمثيلية التي تكررت كثيرًا بينه وبين النجم الكبير جاك نيكلسون، والتي لم تسفر عن فوز أحدهم لكنها أسفرت عن الكثير من المشاهد الرائعة و الجوائز أيضًا.

الفيلم الثالث لـ"دي كابريو" هو " الماسة الدامية ؛ حيث جسد دور مهرب ماس من زيمبابوي سافر إلى جنوب إفريقيا، لتظهر لكنته مختلطة باللغة الإفريقية والفرنسية معًا، وهو ما استطاع إتقانه إلى درجة تجعل المشاهد يتيقن أن دي كابريو ولد بزيمبابوي، وسافر بعدها إلى جنوب إفريقيا، ولم تطأ قدمه الولايات المتحدة الأمريكية.

وقد تم ترشيحه عن هذا الفيلم لجائزة الأوسكار كأحسن ممثل للمرة الثالثة، ولكنها ذهبت إلى النجم الأسود "فورست ويتكر" عن دوره في فيلم " آخر ملوك سكوتلاند The last King of Scotland"، والذي أدى فيه دور رئيس أوغندا الراحل عيدي أمين.

جاء أداء دي كابريو للدور متكاملًا، سواء من ناحية اللهجة أم الأداء الشكلي له؛ حيث ظهر بلحية خفيفة طوال الفيلم، وبشرة تميل للسواد فهو يعيش في إفريقيا رغم أصوله الأوروبية، وكان أداؤه غاية في الروعة، ولكن "ويتكر" سبقه إلى الأوسكار.

أحد الأشياء المميزة لشخصية دي كابريو في أفلامه أنه لا يرفض أن يموت البطل أو يفشل، فهو يترك ذلك للمخرج، وهو قد مات في معظم نهايات أفلامه بداية من تيتانيك مرورا بـ"The Departed" و"Blood Diamond".

"دي كابريو" زامل نجم سلسلة أفلام سبايدرمان الممثل الأمريكي توبي ماجواير في المرحلة الثانوية من عمره، واختارت أمه الألمانية الأصل اسمه، وهي تلده في مدينة لوس أنجلوس بولاية كاليفورنيا الأمريكية يوم 11 نوفمبر 1974؛ لأنها كانت تشاهد لوحة للفنان الإيطالي ليوناردو دافنشي في أحد المتاحف قبل ولادته بدقائق.

أما أبوه فهو من أصل إيطالي وأحد قادة جماعات الهيبيز، الذين أثاروا جدلا كبيرا في المجتمع الأمريكي في منتصف ستينات القرن العشرين، لكنه انفصل عن أمه عندما أتم "دي كابريو" عامه الأول، ليعيش هذا الأخير متنقلًا مع أمه في بيوت صغيرة فقيرة في الولايات المتحدة، إلى جانب رحلاته إلى ألمانيا للعيش مع جدته من أمه Blood Diamond"

مبروك للزمالك

2007-05-21T21:09:00.000+02:00

الزمالك عملها و كسب الأهلي (2-0) خلاص يا جماعة مبروك للأهلي الدوري و مبروك علينا المركز الثاني و المتش الحلو اللي الزمالك لعبه بصراحة كنا نقدر نعمل عليكم سكور بس اللي حصل يا جماعة مبروك تاني لينا و مبروك لكل الزمالكوية و إن شاء الله معادنا في الكأس و الموسم اللي جاي كمان

حدث في مثل هذا اليوم

2007-05-20T13:23:00.000+02:00

20 5 1985

مولد الطفل أحمد فؤاد الدين

20 5 1988

الإحتفال بصعود الطفل لدوري الحضانة

20 5 1990

الإحتفال بالصعود للمرحلة الإبتدائية

20 5 1995

الإحتفال بالشهادة الكبيرة ( الأولي) بالحصول علي مجموع 92و شوية فكة في المية في خمسة إبتدائي.

20 5 1998

الإحتفال بالشهادة الكبيرة ( الثانية ) بالحصول علي مجموع مش فاكره في 3 إعدادي

20 5 2001

تم إحتساب الشاب أحمد فؤاد الدين راجل في سجلات الحكومة لكن دون الحق في التصرف في ميراثه أو ممتلكاته أو طينة و بقرة .

20 5 2002

قاعد بأتفرج علي متش البرازيل و تركيا في كأس العالم 2002 و مجدي عبد الغني كان بيعلق الله يخرب بيته ( جبت مجموع 96 في المية ) كتني وكسه يا رب مكنتش جبت 80 في الميه و لا حاجة

20 5 2003

إمتحان رياضة 2 في إعدادي هندسة ( سقطت السنة دي علي فكرة )

20 5 2004

إمتحان رياضة 2 برضه تانية إعدادي هندسة ( هيه هيه هيه نجحت السنة دي ) لم يتكرر هذا الإنجاز حتي الآن .

20 5 2005

إمتحان رياضة 4 ( أولي مدني) سقطت برضه

كان شكل تاريخ ميلادي مبشر بخبر كويس بس ما سمعتوش للأسف توقعت نهاية العالم أو إستيلائي علي الحكم بس محصلش عيد ميلادي كان 2005 2005

20 5 2006

إمتحان رياضة 4 برضه (أولي كهرباء) و في نفس اليوم الإحتفال بعيد ميلادي في الدستور برفقه ناس كويسه و ناس ولاد كلب .

تم إحتساب المذكور أعلاه عالة علي الدولة و له حق التصرف في مائة جنية في البوسطة .

20 5 2007

قاعد علي مكتبي في MBC.net بأكتب شغل و بأستعد للذهاب للإحتفال بعيد ميلادي ال22 مع أصدقائي الأعزاء , العيد ميلاد ده عملته حبيبتي أميرة ( يا رب نتجوز بقي يا حبيبتي) .

ملحوظة إمتحان الرياضة 4 بقي يوم 26 ( هيه هيه هيه هيه هيه هيه)

شكر خاص :

حبيبتي بجد أنا مش عارف أشكرك إزاي علي الوقت اللي كلمتيني فيه من الساعة 12 من أول لحظة في سنتي الجديدة , بجد أنا عمري ما كنت فرحان بعيد ميلادي قد ما كنت فرحان بيه و أنت معايا يا حبيبتي ....

بحبك قووووووووووووووووووووووي

قاطعوا المصري اليوم من أجل حريتنا

2007-04-03T15:26:00.000+02:00

قبل أن أبدا في هذه التدوينة عاوز اقولكم حاجة صغيرة أنا مش شيوعي و لا يساري و لا ليبرالي و لا إخوان و اراهم كلهم في الغالب فشلة أو اغبية أو مضطهدين لكني لا أنتمي لأي منهم و لا أرغب في ذلك الآن و بالطبع لست حزب وطني و أكره النظام الحاكم كراهية بالفطرة و مبسوط جداااااااااااااااااااااااااااااااااااا للي بأشوفه من إضرابات عمالية في كل مصر لأن ده اللي لازم يحصل لازم الناس تطالب بحقها و هي بتعمل الصح مع ناس ولاد ****, طيب ندخل في الموضوع , نشرت جريدة المصري اليوم مانشت كبييييييييييييير قوي عن تصريح للاستاذ محمود أمين العالم أنا معرفوش بصراحة -لجهل مني بالطبع- بس ده اللي حاصل المانشيت مكتوب فيه الشيوعيين عادوا بتنظيم سري جديد من الإسكندرية إلي أسوان , كوادر التنظيم وراء الإضرابات العمالية الأخيرة و بعض رموز التجمع و الناصري ضمن التنظيم, يا حلاوة بغض النظر عن صحة الكلام ده أو لا فكلام المصري اليوم عبارة عن تقرير أمني مطول مصور أخطاء طريقة للقراء , إذن عندنا اختيارين إما إن التقرير الأمني صحيح و ده معناه إن الأستاذ محمود أمين العالم لا مؤاخذة بيهوبص بالصاد و بالسين و اللي بيقوله ده معناه إنه خرف من زمان و لازم يسكت خالص و يبطل كلام لو كان مش عارف هو بيقول إيه أنا ما أعرفكش يا استاذ محمود يا مفكر يا كبير بس الوحيد اللي ممكن يعمل اللي أنت عملته هو أختي آلاء ذات الثلاثة أعوام , طب لو أفترضنا إن ده كلام منسوب للأستاذ محمود يبقي الراجل مالوش ذنب و المصري اليوم هي السبب طب ليه المصري تعمل كده؟ بسيطة خالص عشان المصري جرنان أمريكي أو أجندته أمريكية لا بيتكلم عن أمريكا و لا الرئيس و دايماً يصدر المشاكل المدنية علي طول الخط و دايماً يخلق مشاكل مش موجودة و دايما و دايما و دايما مش أنا اللي هأقول إن المصري اليوم أمريكي لكن ده حقيقة واضحة قوي قوي ممكن توصلولها في ثلاث أعداد من المصري اليوم قراءة جيدة تعرف النتيجة علي طول , في جميع الأحوال سواء كان التقرير حقيقي أو مضروب فلتذهب المصري اليوم إلي الجحيم إلي الجحيم قوي كمان أنا خلاص قررت إني مش هأشتريها و لو شفت حد بيشتريها هأمنعه من أنه يشتريها يبقي يقرأها من علي النت لو محتاجها قوي و يبقي كمان يركز في كل خبر بتنشره لأنها بتهوبص و يا ريت كلنا نقاطع المصري اليوم و أنا بأطالبكم بأنكم تقاطعوا المصري اليوم

قال اتحاد قال

2007-03-11T23:09:00.000+02:00

في يوم الجمعة الفائت -حلوة الفائت دي- كنت قاعد علي البورصة لا بيا و لا عليا و إذا بالسيد أحمد هواري أحمد يطلب مني إني أروح معاه إجتماع المدونين قولت يا واد طنش خالص و مع ذلك الراجل أصر و قمنا رايحين أنا و أميرة حيبتي و لميا و السيد مودي كلمة في عربيته - الله يكرمه - قعدنا في إجتماع المدونين و قررت السيدة ياسمين إن إحنا لازم نعمل اتحاد أو جمعية للمدونين و هذا ما أعترضت عليه شدة و عشان كده كتبت التدوينة العقيمة دي و عشان أقولهم نفضوا للحوار بتاع الاتحاد ده و خلونا نشتغل بجد و نعمل حملات ليها معني أحسن من الشيء العجيب اللي مش لاقيله توصيف غير عبث و دمتم

* الصورة الملحقة بالتدوينة عجبتني عشان كده حطيتها

أســـــــــــــــــــــــــــــــــف

2007-03-05T03:46:00.000+02:00

أنا بقالي عشرين يوم ما دونتش اكتشفت ده النهارده بس لما شوفت تاريخ آخر بوست لأميرة حبيبتي و استغربت اني قدرت ما أدونش طول الفترة دي بس عرفت السبب إن كان فيا اللي مكفيني بجد أنا كنت قرفان و طالع *** بس للأسف أنا زعلت ناس كتير كعادتي و أنا مضايق و عشان أنا بجد بأحبهم أنا قررت أن تدوينة العودة تكون ليهم لأني ماليش غيرهم

أبدا بمين مش عارف اللي زعلانين مني كتير قوي طب أبدا بيكي يا حبيبتي عارف إنك بتحبيني و هو ده اللي مخليكي مستحملاني و مستحمله هبلي و عفرتي بس أنا أسف إني كنت بأضايقك في الفترة اللي فاتت بس و الله أنا بحبك قوي و أسف قوي إني في لحظة ضايقتك بجد أنا أسف و رغم إن الكلمة دي بقت قليلة قوي علي اللي بأعمله بس غصب عني و الله يا حبيبتي

طب مين تاني زعلته ياااااااااه دول كتير قوي طب براء مثلاً اوكا

براء صديقي العزيز اللي لسه ما عداش علي صداقتنا سنة و وريته اللي ما بيشفهوش اصحاب بقالهم سنين براء أنا أسف بجد و الله غصب عني أنا خاف عليك و عليا و علي دريني إن كل اللي بنعمله يبقي و لا حاجة في الآخر بجد خايف قوي بس عارف أنا كنت غبي قوي و أنا بأعبر عن كده بس و الله مكنش قصدي أنا أسف قوي يا صاحبي اسف بجد مكنش قصدي برضه لسه زعلان طب اقولك قدام الناس إني بأحبك زي أخويا التخين طب يا سيدي بأحبك قوي ياله بقي ما تزعلش أنت قلبك كبير و برضه تاني أنا أسف

فاضل مين ياه دول لسه كتير قوي اه استاذي خالد البلشي

بص بقي يا ريس أنا عارف أن لو أي كائن تاني كان مكانك كان أكيد هيغتالني عشرين مرة علي الأقل في العشرين يوم اللي فاتوا بس و الله أنا أسف قوي مكنش قصدي أقصر في الشغل الدنيا كانت ملخبطة و كنت محتاجك قوي تقرصني من وداني باديك الحنينة عشان أشتغل أنا أسف يا خالد و برضه هأقولك بأحبك قوي و برضه أسف قوي

برضه لسه فاضل كتير قوي ياااه ده أنا وحش قوي مين تاني أنا مضايقه اه صديقي العزيز أحمد الدريني

بص بقي يا دريني علي أد ما أنا ضايقتك أنت زعلتني بأنك حسستني إنك لا تبالي بالشغل بتاعنا رغم إن متأكد إن الكلام ده مجرد هلاوس في دماغي بس لازم رد فعلك عليا يكون أقوي من كده أنا أسف يا صديقي إني ضايقتك بجد أسف قوي مكنش قصدي و الله كان لازم تستحملني لأننا أصحاب قوي و ده اللي مخليني بأتقل عليك أسف يا صديقي العزيز

لسه برضه فاضل كتير اه العزيز جدا و الصديق الجديد و القديم هواري ذا لايف مان

بص يا هواري أنا عارف إن النهارده عيد ميلادك و ده كان كفيل إني أبقي كويس بس أنا أسف إني مضايق و عيد ميلادك النهارده و أسف إني عرفتك متأخر رغم إننا نعرف بعض من فترة طويلة أسف يا صديقي أسف بجد و كل سنة و إحنا أصحاب و أنت سعيد و زي الفل

مين تاني نسيته تصدقوا مش فاكر, اه إزاي نسيت

أحمد فؤاد الدين

أنا أسف قوي يا أحمد أنا طلعت ميتين أهلك اليومين اللي فاتوا قصدي الواحد و عشرين سنة اللي فاتوا بجد يا أحمد أنا بحبك قوي بس مش عارف أنا ليه غبي معاك و ليه بأخسرك ناس بتحبهم قوي مش عارف ليه يا احمد يمكن أنا غبي و يمكن أنت مش بتنصحني أحمد أنا أسف قوي أسف بجد أسف إني كل يوم بأدخلك في حوار جديد و شغل جديد و قرف جديد بس يا أحمد كفاية إني عرفتك علي أميرة اللي أنت بتحبها قوي ممكن تسمحني و تتقبل أسفي عشان الموضوع ده بس عموما يا سيدي أنا أسف بجد أسف قوي أسف لدرجة إني بأفكر أبعد عنك و أسيبك تعيش حياتك بعيد عني يمكن تبقي أحسن أحمد أنا عارف إنك ما كنتش عاوزني أكتب الكلام ده النهارده بس أنا كان لازم أعرف الناس إني مضايقك عشان ما أحسش بالذنب أسف بجد

أسف لكا واحد زعلته أسف لكل إنسان أو حيوان أو جماد زعلته في يوم من الأيام بجد مش قصدي أنا مش بأحب أزعل حد بجد غصب عني أنا أسف سامحوني

Happy Valantine My Sweetie

2007-02-14T00:03:00.000+02:00

يا تري يا حبيبتي كل القلوب الحمراء و الورد اللي في الشارع دي موجوده دلوقتي ليه يمكن كل الناس عرفت اننا فرحانين و مبسوطين اننا مع بعض و لاعرفوا اني بقيت بحبك لا بلاش بحبك دي بقت صغيرة قوي عليكي انا خلاص بقيت جزء منك و أنت بقيتي جزء مني يا تري هما عشان ده مليين الدنيا قلوب و هدايا , أنا عارف يا حبيبتي إننا و الحمد لله من ساعة ما بقينا لبعض و إحنا فرحانين و الحياة جميلة عشان أنا لقيت أحسن بني آدمة في الدنيا و عايش أجمل أيام حياتي بس إحنا اليوميين دول فرحانيين قوي شغلي بقي كويس و شغلك كمان بقي كويس و حياتنا علي أجمل ما يكون هتقوليلي بلاش يا حبيبي تقول كده عشان الحسد هأقولك لو هو ده اللي يقدر يفرقنا يبقي إحنا مش بنحب بعض أنا عارف إن الحاجة الوحيدة اللي تقدر تفرقنا أنت بتضايقي لما أقولها بس بجد مفيش غيرها اللي ممكن تأخد واحد فينا من التاني , حبيبتي أنا لسه مستغرب كل البلالين الحمراء اللي في الشارع دي كلها حمراء و الناس باين عليها مبسوطه للدرجة دي الناس حاسه بينا,للدرجة دي قدرنا بحبنا نبسط ناس تانيه , أقولك الحقيقة يا حبيبتي أنا عرفت إن النهارده عيد الحب أستغربت قوي يعني أنا ما أقدرش أحبك غير في عيد الحب أو حبي ليكي لازم يبقي قوي في اليوم ده حبيبتي مش محتاجين فلانتين أنت فقط تستطيعين تحويل كل أيام السنة الميلادية و الهجرية و القبطية و الصينية واللي أنت عايزه إلي سنة حب بضحة برئية منك حبيبتي هابي فلانتين

ألف شكر يا هواري

2007-02-07T02:42:00.000+02:00

صديقي العزيز احمد الهواري لو لديك سبب واحد لتشكرني به فأنا لدي مئات الأسباب أحمد ربنا معانا و ألف شكر يا اجمل ديد مان عايش علي روف الكوكب علي فكرة انا مش عارف اعلق عندك خالص ياله فرصة تانية يا بوب

مصر أم الدنيا أحياناً

2007-01-25T01:48:00.000+02:00

الصور دي من عند أميرة حبيبتي صور جااااااااااااااامدة جدااااااااااااااااااااا

Flash Slideshow

أهم 101 حاجة لازم تعملهم قبل ما تموت

2007-01-15T16:30:00.000+02:00

أهم عشر أفعال لازم تعملهم:

تصلي الفجر في الحرم النبوي و تنام لحد الصبح

تحب بجد

تقضي شهر عسل مع حبيبتك في الحلال في حته مفهاش غيرك أنت و هي بس نصيحة

متكملش اليوم ال31

تلعب كورة لو ليك فيها مع أصحابك ساعة الفجر لغاية الصبح بعدين تأخد دش و تنام

تشغتل و تكسب فلوس و تصرف بيها علي نفسك

تقعد شهر في أسوان .

تركب عربية Hammer

تشوف متش للبرازيل في الاستاد

أهم عشر أفلام عربي لازم تشوفهم:

باب الحديد

الناظر

الأرض

الكيف

البيه البواب

اللص و الكلاب

زوجة رجل مهم

طيور الظلام

المنسي

الكيت كات

أهم خمسة عشر فيلم أجنبي لازم تشوفهم:

God Father I,II, III

Lord Of the Rings I,II,III

V for Vendetta

Crash

City of God

Momento

Departed

Finding Nemo

Being John Malkovich

Monsters,Inc

Catch me if u can

Matrix

Old Boy

Love comes softly

City Of Lights(Charley Chaplin)

أهم خمسة عشر أغنية عربي لازم تسمعهم:

أنا لك علي طول

يا حبيبي لا

البوستة

أنا عايش

أدايا في جيوبي

أيام و بنعيشها

بلدي (داليدا)

لما النسيم

سهر الليالي

ولا علي باله

و رجعت من السفر

سألتك حبيبي

لا هي باظت و لا خربت

حالة من حالي

بتخبي ليه

أهم عشر أغاني أجنبي لازم تسمعهم:

Mighty Jungle

Sway

Rock you

This never happened before

I surrender

In da Club

Loose yourself

Nut Cracker

My Heart will go on

Strawberry

أهم عشر كتب عربي لازم تقرأهم :

القرأن الكريم

صحيح البخاري

نهج البلاغة

كليلة و دمنة

200 يوم حول العالم

ألف ليلة و ليلة

شخصية مصر

حماري الفيلسوف

الدستور المصري..كوميدي فحت

الكتاب الأخضر ..أفحت

أهم عشر كتب أجنبي لازم تقرأهم:

The King Lear

صدام الحضارات

Round the world in 80 days

20000leages under the sea

The Government inspector

Hackers Black Book

The DaVinci Code

Macbeth

City of God

Never Let Me Go

أهم عشر أكلات لازم تأكلهم:

طبق فول علي عربية ساعة فجرية برضه

عدس من عند القزاز الساعة 2 بالليل في عز الشتاء

ورق عنب بيتي و زبادي

خروف محشي

قشطة بالعسل

سندوتش طعمية لبناني

منقوشة

فتة بالخل و التوم بعد صلاة العيد الكبير

طاجن بامية باللحمة من إيد ماما

أي أكلة نوبي

أهم عشر ألعاب لازم تلعبهم :

Commandos II

Max Payne

FiFa 2007

Worms

Hearts Of Iron

Stronghold

Mario

Snake on Nokia

Mortal Compact

Black&White

الحاجة المائة وواحد أنت بس اللي تعرفها

بين السماء و الأرض

2007-01-07T00:45:00.000+02:00

السابع من يناير قد لا يكون لهذا التاريخ أي معني قبل قدوم هذا العام فالسابع من يناير هذا العام يعني الكثير جدا لدي إنه اليوم الذي توفيت أنت فيه دون أن أقابلك أو أعرفك أو أراك و لو حتي بالمصادفة ,

أنا أعرف أنك لم تكن تعرفي عندجما كنت معنا في هذه الحياة القصيرة مهما طالت ,و لكني واثق أنك تعرفي الأن فالأموات يعرفوا ما يحدث علي الأرض طالما يحدث لأحبائهم و أنا أعرف أن أحب الأشخاص لقلبك قريب مني لا ليس فقط قريب فهو أنا هو حياتي هو النفس الذي يخرج من صدري و النبضة التي يعيش بها قلبي ,أعلم تمام العلم أن من أحببته أنت في حياتك أعشقه أنا في مماتك لعل هذا من ترتيبات القدر ألا نلتقي و لكني في نفس اليوم الذي توفيت فيه أقول لك أني أفتقدك بشدة يا أبي الذي لا أحمل اسمه أبي الذي لم يرأني و إن كنت واثق أنك كنت ستبادلني نفس المشاعر لأننا يربطنا حب نفس الشخص , أتعلم أنها أول مرة أشتاق لمتوفي فأنا أراهم قد أنتهوا من حياتنا و لكنك لم تنتهي صورتك مازالت موجودة أمامي ,

حنانك مازال يغمرني كأنك أنت من يربط بيده علي كتفي في أوقات الشدائد ,أعلم أنك لم تضع يوماً يدك علي كتفي فأنت لم تراني و لكن من علمتهم الحنان أعطوني إيه , و للحق أقول فالحنان منهم علي أكمل ما يكون , أبي -و سامحني لو أحتفظت بهذا اللقب دون إذن منك- أنا أفتقدك لكن أهتمامك بي لم ينقطع ججصوتك الدافيء الذي يغمره الحنان مازلت أسمعه ممن علمت أصواتهم الحنان , أبي مازالت أنت الوحيد من أو أول من يرفع الهاتف ليهنئني بعيد ميلادي و كل الأعياد , أعلم أني لم أقابلك في حياتك لكن من علمتهم التواصل مع الأخرين يقزموا بهذا الدور علي أكمل وجه ,

أبي لو كان قد قدر لنا أن نكون سوياً لكنت الأن معك أشكي لك من قسوة الأيام لكن أبي العزيز هناك بالفعل من يقوم بهذا الدور هناك من يستمع بهدوء لكل مشاكلي كما كنت تفعل أنت ,كما كنت تسمعهم بالأمس فالأن هم يسمعوني و يحلوا لي كل هذه المشاكل بكلمات بسيطة لكنها بالفعل مؤثرة , لا أعلم كيف أستطعت تعليمهم كل هذه الصفات التي لم أقابلها في شخص من قبل , أبي بالفعل أنت كنت أب مثالي , أبي لو صدق القول فأنت ماتزال أب مثالي ,

ماتزال صورتك أمامي و ماتزال أبنتك الحبيبه مرمر بجواري أرعاها قدر ما أستطيع و أحاول أن أعوضها عن قدر و لو بسيط من الحنان التي فقدته بفقدانك , أبي أقسم لك بالله الذي خلقنا أني سأحافظ علي مرمر الشقية اللذيذة سأبذل قصارى جهدي قد لا تغضب أعلم أن مرمر مدللة لكنها كما علمتها مثابرة و ذكية لا يفوتها شيء أعدك أن نبقي معاً لو شاء الله طالما في القلب نبض ينبض بأسمها ,

أبي فليرحمك الله الذي لم يشأ أن نتقابل و لكني بالفعل أراك كل يوم و بحبك قوي يا بابا

الراقصة و السياسي

2007-01-03T22:16:00.000+02:00

فاتت سنة والنهاردة يبقي عدا 365 يوم علي سنة 2006، سنة مليئة بالأحداث والمشاكل والشخصيات التي أثارت مشاكل وجدل ومظاهرات وسحل وتحرش.. وعصاية..علي موقع جوجل تقدم الشركة خدمة مازالت تحت التنفيذ تسمي جوجل تريند هذه الخدمة تمكنك من معرفة حجم البحث علي أي كلمة تدخلها كما يمكنك الحصول علي رسوم بيانية بمقارنات بين عدد من الكلمات و بعد مجهود كبير والعديد من الترشيحات أستطعنا الوصول لأشهر عشر شخصيات هذا العام داخل القطر المصري من حيث كمية البحث عليها علي موقع جوجل وجاءت الشخصيات في مجالات مختلفة و لأسباب مختلفة في ظننا.

جاء في المركز الأول الداعية المصري المثير للجدل "عمرو خالد"، عمرو جاء علي رأس قائمة طويلة جداً من الترشيحات.. عمرو المطرود من جنة الحكومة المصرية لأسباب كثيرة لا نعلمها بشكل تفصيلي و لكنها في الغالب أسباب سياسية كان هو أكثر شخصية مصرية تم البحث عن اسمه علي موقع جوجل .

الشخصية التي جاءت في المركز الثاني لهذا العام هي عمرو دياب المطرب المصري الأشهر في الوطن العربي، عمرو دياب حصل علي العديد من الجوائز العالمية و تعتبر أرقام بيع ألبوماته هي الأعلى في مصر بشكل شبة ثابت في الخمس سنين الماضية وتحديداً من صدور ألبومه "تملي معاك" الذي صدم عمرو فيه الجميع بمظهر مختلف تماماً حيث أستطاع خفض وزنه بشكل ملفت بعد النقد الذي تم توجيهه إليه بعد ألبوم "قمرين".

ولا تتعجب بسبب نتيجة البحث علي جوجل والتي أتت بعمرو خالد ثم بعمرو دياب.. فالعمران وبالرغم من اختلاف أهدافهما إلا أنه دائما ما تعقد المقارنات بينهما لتشابه الاسم وتشابة الفئة العمرية التي يستهدفها كل منهما في عمله.

أما المركز الثالث في نتيجة البحث كان من نصيب الراقصة المصرية المثيرة لكل شيء "دينا"، فبالرغم من مرور عدة سنوات علي سي دي دينا المشهور إلا أن دينا مازالت تثير الكثير لدي المصريين.. ولا يمكن أن ننسي أحداث التحرش في وسط البلد والتي أتهم فيها الكثيرون الراقصة دينا بأنها كانت أحد أسباب وقائع التحرش الجنسي في وسط البلد بعد أن شاهدها الشباب في فيلم "علي الطرب بالتلاتة" و هي ترقص كما شاهدوها وهي ترقص "Live" قبلها بدقائق.

وفي المركز الرابع بعد الراقصة "دينا" جاء المخضرم الكبير صاحب الـ78 ربيعاً "محمد حسني السيد مبارك" الذي يشغل حالياً وسابقاً ومادام في القلب نبض منصب رئيس جمهورية مصر العربية، الرئيس جاء في المركز الرابع وهو منصب جل علي الرئيس شغله فالرئيس مبارك لا يسعي إلا للمراكز الأولي فكما تعود علي مدار 24 عام حصل الرئيس علي المركز الأول في كل شيء أما أمام جوجل فالرئيس أكتفي بالمركز الرابع، وأعتقد أنه حصل عليه بسبب سيئاته و ليس حسناته التي لم نري منها شيء طوال الربع قرن التي حكمنا فيها.

في المركز الخامس جاء نحيت مصر الأول و مطربها الشعبي الذي بدء حياته طبال وصعد سلم المجد علي أكتاف زملائه المطربين الشعبين المغمورين أمثال بعرور.. المركز الخامس إنجاز كبير لسعد وللطبقة الشعبية التي طالما ما أهدر حقها علي جميع الأصعدة، ومجيء سعد بعد الرئيس مبارك إنجاز كبير لسعد.. وللرئيس كمان.

وفي المركز السادس جاء تامر حسني المطرب الشبابي سناً وجمهوراً الذي قال "وعيون صاحيا تخلي بالها من أرضها" وتهرب بعدها بأشهر من الجيش، وحصل علي حكم وسجن لمدة عام. تامر يستحق بجدارة المركز السادس فقد ملأ تامر صفحات المجلات والجرائد ومواقع الإنترنت في العام الماضي وبدون الدخول في تفاصيل هذا الانتشار والذي كان أهم أسبابه صدور ألبومه "عينيا بتحبك" وهو داخل السجن يستعد لسماع الحكم في قضيته.

محمد منير والذي يلقبه محبيه بالـKing جاء في المركز السابع.. محمد منير المطرب الذي صمد أمام الكثير من التغير وواكب التغيير في أوقات أخري ليبقي علي رصيد كبير جدا من الحب لدي الشباب المصري وبعض كبار السن أيضاً، منير جاء في المركز السابع، وإذا كانت هذه النتيجة لا تعبر عن جماهيرية منير لكنها تعبر عن الجمهور الذي يتابعه و التي أكدها حجم البحث علي جوجل بأن معظم من يتابع منير ليسوا شباب الإنترنت اللاسع ولكن جمهور آخر يمكن إطلاق لقب "ناضج" عليهم.

أما المركز الثامن فاحتله نجم كرة القدم أحمد حسام "ميدو"، أغلي لاعب مصري محترف في أوروبا. واللاعب الذي تنقل بشكل غريب بين أهم الدوريات العالمية في سنوات قليلة جداً يستحق هذا الترتيب فكثير من شباب مصر يستمتع بالبحث عن مثل لهم في لعبتهم الأولي كرة القدم وما بالك و هو يلعب في الدوري الإنجليزي ويسجل أهدافا في فرق عريقة مثل "مانشيستر" و"ليفربول".

وفي المركز التاسع جاءت المطربة أو المؤدية المصرية المثيرة "روبي" لتؤكد أن شريف صبري عرف يربي، وأن فتاته المدللة التي يتنقل معها في كل مكان أصبحت مثيرة كما كان يخطط.. روبي قدمت أكثر من كليب هذا العام وأثارت بهم العديد من الأشياء لدي الشعب المصري المسكين والمغلوب علي أمره لذا استحقت هذا المركز.

وكما فعل والده المخضرم بالقدوم في مركز تالي للراقصة المخضرمة دينا فعلها جمال مبارك و جاء في المركز العاشر والأخير في قائمتنا بعد الراقصة، في رأي، روبي وهو ما يؤكد التنافس الشديد بين الحرس القديم برئاسة مبارك الأب و دينا "سيديهات" وبين الحرس الجديد بقيادة مبارك الابن وروبي عجلات.

ملحوظة: هذه القائمة هي القائمة النهائية لأكثر من 100 شخصية عامة تم التصفية فيما بينها لأقدم لكم النتيجة النهائية، وقد أنسي أي شخصية أخري قد تكون ضمن العشرة الأوائل ولكني حاولت بذل أكبر جهد للوصول لهذه النتيجة فسامحوني علي سهوي

محمد مصطفي عمل مدونة يا جدعان

2007-01-02T16:27:00.000+02:00

مبروك يا جماعة محمد مصطفي صديقي عمل مدونة و ده يعتبر من الأخبار المهمة اللي سمعتها من فترة طويل عشان بقالي شهور بأتحايل عليه يعملها و يبقي شاب ديجيل بقي مبروك يا محمد عقبال ما تعمل ميل إن شاء الله نياههههههههههههههههها

k

2007-01-01T03:10:00.000+02:00

إعدام صدام حسين و ترك محمود بكر يعلق من منازلهم

2006-12-30T21:30:00.000+02:00

أتعجب بشدة من رفض أو تعجب أو صدمه أي عربي من إعدام صدام حسين الراجل كان عميل للأمريكان ربوه و كبروه و دخلوا العراق في حروب بسذاجته و إنسياقه وراء توجيهات الأمريكان حتي دخلوا العراق بعد أن أنقلب عليهم صدام , و لم يكتفي صدام طوال حكمه بإنهاك إقتصاد واحدة من أغني الدول العربية في الحروب ده كمان ظبط كل طوائف العراق من أكراد و شيعة و سنة كمان ,صدام كان رئيس خائن للأمانة رئيس خان أتباعه - راجعوا ملف صعود صدام- صدام خان شعبه و خان الأمانة و أي أمانة مش شيك بمليون جنية دي بلد بحالها ورطها منذ صعودة السياسي و حتي إعدامه ,قد يري البعض أن فكرة إعدام رئيس دولة من بلد زي أمريكا شيء كافي للتعاطف معه ولكن الرؤية الصحيحة للموضوع هي إعدام عميل بواسطة رئيسه و لا يمنع ذلك عن الطرفين أن نكرهم , نكره أمريكا عند تحتل العراق و لكن لا ننسي أن السبب في ذلك هو سياسة العميل صدام .

صدام حسين أعدم و لن يضار العراقيين من إعدامه بقدر ما أضيروا من حياته , و في خضم هذه الأحداث و وسط توقعات الجميع بهزيمه لا بأس بها للزمالك من المارد الأحمر العائد لتوه من سلسلة إنتصارات كبيرة اصطدم بالمعلق الفضائي محمود بكر عم محمود الذي أنتهج أسلوب جديد في التعليق و هو التعليق من منازلهم عم محمود أستحضر أرواح إبراهيم و حسام حسن في مباراة الزمالك و الأهلي و الحمد لله أنه لم يستحضر روح الخطيب أو الضوظوي , محمود بكر فأجا الجميع بتعليق لا يشوبه أي صحه كان يعلق و كأ،ه يعلق من تلفزيون أبيض و أسود 14 بوصة كان يقول عن طارق السيد وائل القباني و أبو العلا كان حسام حسن و عبد الواحد السيد في أحد الفاولات تجرأ و وقف في الحيطة بتاعت الزمالك لم أتحمل هزي الأستاذ محمود و أضطريت لاستخدام الزرار المعجزة ميوت لأخلص عقلي من هذا التشتيت و منذ هذه اللحظة استطعت متابعة المباراة بسهولة و كمان كنت بأعلق عليها براحتي عموما هارد لاك للزمالك عمل ماتش جامد و مبروك للأهلي الذي يستحق هذا الفوز و ليذهب صدام حسين و محمود بكر للجحيم

شاهد ملف البي بي سي عن صدام حسين

أم هداياكي يا مصر**

2006-12-29T01:12:00.000+02:00

أنا أسف يا جماعة دي أول مرة أستخدم ألفاظ قبيحة علي البلوج بس المرة دي الموضوع خارج عن إرادتي ما قدرتش أتحمل .
أثناء جولتي المعتادة بين صفحات الإنترنت وجدت هذا الخبر علي موقع جريدة الهيرالد تريبيان نقلاً عن وكالة رويترز تفاصيل الخبر تقول أن مصر أرسلت سلاح عبر إسرائيل و بموافقتها لمحمد عباس رئيس فلسطين و حركة فتح , و تعتبر هذه هي المرة الأولي التي ترسل فيها مصر سلاح للسلطة و لا ترفض إسرائيل و لا نسمع الكلام المتكرر بأن مصر ترسل سلاح سراً للسلطة لمحاربة إسرائيل و لكن هذه المرة الوضع متغير لأن السلاح هذه المرة ذهب للسلطة الفلسطينية لتحارب بيه حماس الفلسطينية و هو أكثر مما تحلم بيه إسرائيل حرب أهلية لم أري أو أقرأ أو أسمع عن دولة محتلة لمدة خمسين عام و يحدث فيها حرب بعيدأ عن المحتل ,أرسلت مصر لفتح سفينة محملة بألفين من الرشاشات الأوتامتيكية و عشرين ألفاً من الخزن و مليوناي رصاصة تري كم فلسطيني سيقتل بهذا السلاح مئات الألاف بالطبع و هذه المرة تقدم مصر للعدو الإسرائيلي خدمة العمر تشعل حرب أهلية داخل فلسطين بعد دورها القذر في لبنان بصراحة أنا مش قادر أكمل كتابة مش عارف نقول إيه للأرامل من زوجات شهداء حماس و فتح في هذه الحرب مش عارف كيف ينام الرئيس لا مش رئيس بل الموظف مبارك و هو يعلم أن السلاح الذي حصل علي عمولة منه عندما أشتراه يستخدم الأن لقتل أشقاء مسلمين و مسيحين هل هذه هدية مصر لفلسطين أم هدية مصر لإسرائيل بمناسبة العام الجديد

أقرأ تفاصيل الخبر

التفاصيل القبيحة تم حجبها بطلب مني

كلهم أصدقائي All My Friends

2006-12-27T00:45:00.000+02:00

مش عارف ليه كتير من أصحابي أضايقوا من البوست اللي فات رغم إن البوست مقصود بيه ناس بعينهم و خلاص كان بوست في فترة زعل و خلاص و لكن عشان أصحابي اللي زعلوا عزاز عليا أنا قررت أكتبلهم البوست ده يا رب يفهموا إنه ليهم رغم إني هاكتب أسمائهم(:

من ساعة ما أتولدت .... المعتز بالله ....

المعتز بالله :

طبعاً المعتز بالله دي مش المقصود بيها صفها-كلنا معتزين بالله - لكن ده اسم أول صاحب ليا منذ أن وطئترأسي هذا الكوكب العجيب اه و الله معتز كان صاحبي من حضانة و فضلنا أصحاب كما أزعم لغاية دلوقتي أصل الحضانة بتاعتنا كانت في المدرسة و المدرسة كانت من حضانة لثانوي ففضلنا مع بعض لغاية ما خلصنا الكلية و فضلنا أصحاب بعد كده معتز راجل جدع جداً بيحب أصحابه مهما كانوا بعاد عنه يمكن هو أكثر أصدقائي تضرراً مني بس و الله يا معتز غصب عني مش عارف هي ليه دايما تيجي فيك سامحني يا صديقي العزيز و أخي الأول.

أوائل الألفية الجديدة ...شادي و محمد و هشام ....

ثلاثة من أصدقائي الأعزاء جداً كنا مع بعض في المدرسة برضه بس ما كناش أصحاب قوي

شادي:

كان بيقعد جنبي في الديسك في الشهر اللي بيجيه مصر أصله كان مسافرالسعودية مع أهله و كان بيجي شهر واحد كان أكثر أصدقائي أدباً و طفولية بسبب تربيته المحافظة خاصة انه عاش معظم حياته خارج مصر و كان يتحاشي الصدام مع أي شخص طبعاً الوضع أتغير دلوقتي للعكس ..لا شادي لسه صاحبي بس الهدوء قلب جنان و الأدب قلب **** بس و الله راجل طيب و محترم و جدع قوي و من ساعة ما خلصنا مدرسة بقينا صحاب قوي .

محمد مصطفي :

صديقي الملظلظ اللذيذ اللي يقدر يخليك تضحك و أنت في أسوأ حالاتك فكاهي بالفطرة بس ساعات بيقلب عبيط بس راجل جداً من النوبة يعني ابن بلد و بيحب مصر قوي و دايما يأخد آراء غير آرائي طول ما معانا ناس و لما نكون مع بعض بنتمشي ولا حاجة تلاقيه موافقي الرأي أنا و محمد ناقر و نقير بس أنا بحبه بجد و عارف أنه بيحبني و عارف أنه جواه حاجات كتير قوي لسا ما طلعاش يارب تطلع بقي عشان نخلص يمكن محمد في يوم من الأيام يبقي حاجة مهمة أدعو معايا.

هشام محمد :

يمكن أنا و هشام ماكناش أصحاب بدرجة كافية أيام المدرسة تؤهلنا إننا نبقي أصحاب بعد ما المدرسة تخلص بس ده اللي حصل بقينا أصحاب بجد و أخوات كمان هشام راجل تقدر تعتمد عليه واحد جان و جامد بس معندوش ثقة بنفسه و دي حاجة غير مبررة بالمرة ,حلم أمريكا لسه مسيطر علي هشام عشان سافر هناك أربع سنين مع باباه بصراحة عنده حق أنا شايف إنه قدها و قدود أستعدي يا أمريكا هشام جايلك .

شهر سبتمبر عام2005

بداية رحلتي في الدستور و بداية تعرفي علي أصدقاء أكاد أجزم إني عارفهم من سنين كتير قوي أكتر من الشهور اللي التاريخ مسجلهالنا.

أحمد الدريني:

صديقي العزيز الرفيع الضليع بقواعد اللغتي العربية و اللي بجد ما قابلتش حد شبهه قبل كده أتعجب من طريقة تعامله مع الناس و أتعلم منه الكثير تقابلنا أولاً في الدستور و شاء القدر و أعتبرها ليست مصادفة أن يكون أول موضوع ليا في الدستور بجوار موضوع للدريني أصبحنا أصدقاء بدون سابق إنذار مش عارف و لا هو عارف بقينا أصحاب إزاي بس من ساعة ما بقينا أصحاب و أنا مش مستعد أخسره و أظنه كذلك ممكن ألخصلوكوا الدريني بكلمة واحدة الدريني رجل روحاني و أفهموها زي ما تفهموها هو ده صديقي العزيز و الذي أستطيع أن أقول له أني أعرف ما يخبئه القدر لنا "كل خير يا صديقي " و علي ضمنتي.

طالما حلمت بإنضمام واحدة أخري للبنتين دول حتي أطلق عليهم لقب الثري ويتشيز بتوع ماكبث لكن دلوقتي أقدر أقول إنهم التو ويتشيز .

دعاء عادل:

أتذكر بشدة كيف تقابلنا كنت قد توكلت علي الله و ركبت 105 من قدام البيت عشان أروح الإسعاف أركب للدستور و إذا بي أشوف دعاء واقفه في رمسيس قلت يا واد طنش خالص بس لاقيتها شافتني قلت عيب برضه أسيبها و أمشي قمت نازل من الأتوبيس و قلت أركب معاها يومها دعاء لفيفتني مصر كلها في جولة بعدة أتوبيسات من هيئة النقل العام ثم تمشيه لا بأس بها من الدقي تقريباً للعجوزة دي كانت بداية صحبيتي مع دعاء و اللي بأعتبرها أخت مجنونة لا مثيل لها أبداً ربنا يزود جنانك يا دعاء عشان تعقلي بقي.

حنان الجوهري:

لو نفسك تشوف بنت أموره بس راجل يبقي مفيش غير حنان بجد البنت دي بتفكرني ببنات البلد اللي عمري ما شفتهم بنت جدعة و بنت نكتة و محترمة و صاحبته صاحبها , مش فاكر برضه بقينا أصحاب إزاي بس طبعاً فاكر قعديتنا أنا و هي و دريني و دعاء في كل حته في الجرنان لما كنا بنكتب لكساب أو علي البورصة بعد الدستور أو عند أبو عامر بنضرب سندوتشات ملوثة بجد حنان خسارة في أي راجل في الدنيا بس يا رب تتجوز و خلاص عشان عندها شوية جنان عاوزين يتظبطوا شوية.

لعلي لم أقابل رؤساء قبل ذلك أو قابلتهم و لكنهم لم يكونوا كذلك:

خالد البلشي:

أقولك إيه و أحكيلك إيه خالد البلشي الراجل ده راجل بجد الراجل هو اللي عمل من العبد لله اللي ما كنش بيقرأ غير الجمهورية و كتب المدرسة صحفي أو هكذا يقولوا , لم أتعرض لمثل هذا الموقف من قبل أن أقابل رئيس يمكن أن يكون صديقي الحقيقي الذي أحكي له عن متاعب العمل و البيت و الحبيبة التي أنهكني البحث عنها -حتي وجدتها- صديق و أخ و أب و رئيس و فوق ذلك راجل يفهمك قبل أول مرة تتقابله فيها , أتذكر جيدأ ذلك اليوم الذي أراه يوم أسود في حياتي رغم قلة الأحداث فيه كانت عجيبة لا أدري لها معني صوتي العالي لا يلبث أن يخفت حتي يرتفع ثم جاء خالد و أخذني من يدي و أغلق باب المكتب علينا و قام بدور فرويد علي أكمل ما يكون و حلل لي كل المشاكل التي أعانيها و خيرني بين الفوقان أو حبة بتاع كده مش فاكر اسمه عشان أعصابي تهدأ , خالد العظيم لا نعمل سوياً الأن بالشكل الكافي لكنك ما زلات صديقي العزيز و رئيسي الوحيد .

لا تحتاج لفترة زمنية طويلة لتتأكد أن ما يقف أمامك هو صديق حقيقي ربما لن تجد مثله بعد اليوم أو قبل كده.

البراء أشرف:

البداية كانت علي أسوأ ما يكون لم أعجب بشخصية براء التي ظننتها متعالية رغم إثنائه علي كل الأفكار التي أتيت بها له في موقع عشرينات حيث يرقد ولاد البلد الأن براء الثقيل الوزن الخفيف الدم و الثقيل قوي في الدماغ يمكن أ، يحيل التراب المعجون بزفت لذهب أبيض إماراتي بكلامه , براء أعتبره صديق عزيز و أتعجب لتعجبه عندما وجدني و دريني و ندا في يوم فرحه نركض وراءه حتي بعد أخر الدنيا بمحطتين - كفر الشيخ- الحقيقة يا صديق أنك صديقي بالفعل و كان هذا مجرد واجب بسيط جدا لا نستحق عليه كل ثنائك الجميل أو تعجبك المدارا عن الجميع براء بحبك يا بيرو.

مصعب الخير:

اسمه الحقيقي مصعب أحمد لكن مصعب الخير أكثر واقعية و تعبيرا عن ذلك الشخص الذي صدمت برؤيته كبراء تماما ظننته ذلك الشخص الأخواني الذي يظهر في أفام عادل إمام ليبث ممنوعاته علي الجميع لا تدخن لا تقل و حياة ربنا لا لا لا..

معلش يا مصعب الغلطة مش غلطتي و الله دي غلطن عادل إمام بس بعدها أكتشفت أني أمام شخص شفاف بدرجة غير عادية يحب الخير بجد و لا أظن أ، مصعب الخير تكفي له فأراه شخص عبقري يحتاج الكثير من التقدير الذي لم تعطيه إياه هذه البلد بنت ال*********

مصعب أنا أظن أنك أكثر من صديق بجد أ،ا عارف إنك عارف إني بأحبك بجد يا مصعب لأنك راجل محترم و عبقري و تستأهل كل خير يا مصعب الخير.

لم أتركك في نهاية البوست عشان أنت أخر واحدة عرفتها بس أنا سايبك للأخر عشان مينفعش أقول كلام لأي حد بعد ما أتكلم عنك يا حبيبتي.

أميرة حسن:

تلك الملاك الذي يرتدي وجة الرجل في تصرفاته حتي لا يعلم العالم بملائكيتها فيلهثو ورائها أميرة استطعت الوصول لقلبك الأبيض و لعقلك العبقري الذي أثبت لي أن الأصل في المراة ليس السذاجة كما كنت أقول و لكن هناك منهن من قدرت أن تفوق الجميع في ذكائها , أميرة بجد أنا مش عارف أقول إيه ,حنيتك اللي عمري ما شوفت زيها و خوفك عليا أنا عمري ما قابلت حد حنين بالطريقة دي رغم إني عارف إنه بجد محتاج للحنية دي بالرغم من كده مش بيستخر يديها للي محتاجها , أوعدك إني أعوضك عن الحنية اللي فاتتك أو اللي كان المفروض تشوفيها مني في وقت ما كناش لسه لبعض , حبيبتي عارفه إني بقيت ملك حتي لو كنت قدامك باعافر إني ما أبينش إني خلاص مش قادر أبعد عنك لو لحظة بجد يا حبيبتي أنا خلاص بأرفع الراية البيضاء اللي مرسوم عليها قلبي أنا خلاص مش قادر أبعد عنك و لو لحظة صدقيني أنت أجمل من إنك تكوني ليا بس أرحمي قلبي اللي مش قادر يعيش من غيرك و أفضلي معاه بجد أنا محتاجك قوي .

أصدقائي الأعزاء بحبكم كلكم و بجد أنا حياتي من غيركم لا تحمل أي معني أبقوا بجواري رغم حماقاتي فلا تنسوا أني ما زلت أحمل لقب بشر و كل سنة و أنتو طيبين

معرفتش أحط صوركم كلكم فأكتفيت أني أحط صورتي(:

الرهان الخاسر

2006-12-19T21:07:00.000+02:00

لا تراهن إلا علي نفسك مش بس عشان الرهان حرام لكن لأن أي رهان آخر هو رهان خاسر , لا تراهن علي صديق أو قريب أو بعيد ,لا تراهن علي ردود أفعال أي شخص مهما كنت واثق فيه ,عارف ليه عشان أكيد هتخسر ,لا يوجد اي مكسب من الرهان علي أي شخص لأنه مفيش مكسب, حتي لو أصبت الرهان فأنت لن تربح أي شيء سوء أنك راهنت علي شخص و نجح, هل تري أي مكسب في هذا الرهان؟.

في الفترة الأخيرة راهنت كثيراً, راهنت أن صديقي سيبقي صديقي مهما حدث و كانت النتيجة الخسارة الحتمية لأن كل شخص له حساباته الخاصة التي قد لا تتوافق مع حساباتك ,و النتيجة أنك تخسر , قد يكون صديقك صديق فعلي و يحبك حب حقيقي و لكن قد تراهن عليه في موقف ما و تجد ان هذا الشخص أختلفت حساباته عن حساباتك و بالتالي أنت الخاسر , راهنت في الفترة الماضية علي رؤساء كنت قد تصورت أن العمل معهم و الوثوق فيهم أمر بديهي فراهنت علي مواقفهم و خسرت الرهان ليس لأنهم تخلوا عن شيء ما و لكن لأن حساباتهم أختلفت عن حساباتي و كانت النتيجة الحتمية الخسارة و أكتشفت أني إذا راهنت علي أي شخص فأنا الخاسر الوحيد و لو كنت مغرم بالرهان فعليك بنفسك فقط فذلك هو الرهان الوحيد الفائز حتي لو خسرت هذا الرهان فقد أكتسبت خبرة في الخسارة و تعلمت أخطائك أما أن تراهن علي أي شخص مهما كانت درجة وثوقك به فالنتيجة حتمية عاجلة أو أجلة الخسارة شيء مؤكد أكثر من بقاء الريس علي الحكم حتي الموت , لا أدعو الناس لعدم الوثوق في أصدقائهم و لكن أدعوهم لعدم المراهنة علي أي شخص لأن مهما كانت قرب هذه الشخصية منك و من صفاتك فإن الله قد وضع أختلافت بينكم و أعتقد أن الطريقة الوحيدة للحفاظ علي الأصدقاء هو عدم المراهنة عليهم أو علي مواقفهم , عندما تريد أتخاذ موقف ما لا تنظر إلي ردود أفعال الناس و لا تراهن علي ردود أفعالهم أو مواقفهم فالرهن يا صديقي خاسر خاسر و الله أعلم

مصر تساعد البرنامج النووي الإسرائيلي أدعوا للريس بالصحةوالعافية

2006-12-12T22:55:00.000+02:00

الحمد لله يا شعب مصر الغاز المصري وصل إسرائيل بالسلامة و كمان الشيكلات اليهودي وصلت مصر علي هيئة دولارات بعد ما رجل الاعمال اليهودي دوراد أشتري 35 مليار متر مكعب من الغاز الطبيعي المصري بملياري دولار - مش عارف بصراحة كام شيكل - لكن خلاص تمت الصفقة بين الراجل اليهودي وشركة إيه أم جي المصرية لشراء 35 مليار متر مكعب من الغاز الطبيعي المصري للمساعدة في بناء مركز طاقة نووية في أشكيلون ياله مبروك علينا القرشينات و مبروك عليهم الغاز و الطاقة النووية

( دي واحدة إسرائيلية بتولع البوتاجاز بتاعها بالغاز!)

خطأ عبد الناصر الغير مقصود

2006-12-02T14:54:00.000+02:00

DEFE 4/82 COS(56)" " ليست تلك هي كلمة السر لموقع الCIA علي النت و لكنه كود أحد ملفات الأرشيف الوطني الإنجليزي و الذي كتبه المارشال الجوي "ديرموت بويل" عن أحداث 26 يناير 1956 طبعاً التاريخ ده لا يمثل أي أهمية للشعب المصري و لكن لو عرفت إنه في ذلك التاريخ كانت القوات الإنجليزية تستعد لضرب إسرائيل بدلاً من مصر زي ما حصل في الواقع أظن التقرير سيصبح ذو أهمية , التقرير نشرته جريدة الجارديان الإنجليزية بمناسبة مرور 50 عام علي تأميم قناة السويس و كتب التقرير الصحفي الكبير "كيس كيلي" و هذا ما جاء في التقرير.
26 يناير 1956 في "وايت هيل " كانت الأمور تسيير بشكل جيد جدا,ً الإستعداد للحرب علي أشدة بقيادة الجنرالات الإنجليز , كل شئ أصبح جاهز لعملية الحبال أو " " Operation Cordage كما أسماها الإنجليز, الظروف رائعة , العلاقات مع الأمريكان سيئة جداً و أصبح من الواضح أن الشرق الأوسط هو الملعب الجديد , و المفترض أن يثبت الإنجليز أنهم مازالوا موجودين لذلك كانت العملية التي خططوا لها لضرب إسرائيل .. نعم إسرائيل فالإنجليز أستعدوا لضرب إسرائيل ثم صُدموا عندما وجدوا جمال عبد الناصر يضرب كل مخططاتهم بتأميم قناة السويس لتقوم نفس القوات المرابطة عند ساحل قبرص بضرب مصر بدلاً من إسرائيل بل و الإستعانة بإسرائيل بقيادة أرييل شارون ليضرب سيناء , خطة الإنجليز لضرب إسرائيل صادمة للغاية إذا علمت أنها كانت تقريبا نفس الخطة التي أستخدمها الإسرائيليين لضرب سيناء في 1967 , الإنجليز كانوا سيضربون المطارات الإسرائيلية أولاً ثم الطائرات الإسرائيلية العاجزة بعد ذلك ليقضوا عليها و يسحقوها تماماً مثلما حدث مع مصر في 67 و كانت القوات الإنجليزية في قبرص ستقوم بتنفيذ هذه العملية , و الخطوة الثانية في خطة الإنجليز كانت إحتلال ميناء إيلات و هي المدينة التي أستبدلت لتصبح سيناء فيما بعد , وكانت قوات الصاعقة الإنجليزية ستقوم بإحتلال الميناء لتمنع عن إسرائيل أي مساعدات بحرية لتعزلها بعد ذلك عن العالم لتصبح في قبضة الإنجليز بسهولة, و لكن عندما قام جمال عبد الناصر بتأميم شركة قناة السويس كشركة مصرية تم تغير عملية الحبال لتصبح عملية الفارس أو " Operation Musketeer" ليتم بعدها الإستعانة بالفرنسيين المتضريين كذلك من تأميم القناة و الإستعانة بقوات أرييل شارون التي كانت تستعد في الوقت نفسه لضرب الأردن بدلاً من سيناء عندما جاءتها الأوامر من قيادتها بتغير الإتجاه و ترك الأردن نهائياً لضرب سيناء بنفس الطريقة التي كانت ستضرب بها الأردن.
و يبدأ العدوان الثلاثي علي مصر بضرب مدن القنال الثلاثة بورسعيد و السويس و الإسماعيلية إلي جانب سيناء التي دخلتها قوات شارون , و تصمد المقاومة الشعبية , و يتدخل قطبي العالم السوفيت و الأمريكان لتخرج القوات الثلاثية و تبقي الإمبراطورية الإنجليزية و القوة الفرنسية خارج نطاق الخدمة و الباقي أنتو عارفينه .

أقرأ تقرير الجارديان لو ليك في الإنجليزي
http://www.guardian.co.uk/comment/story/0,,1818971,00.html

2006-11-27T01:32:00.000+02:00

أنت وحشاااااااااااااااني قوي يا أميرتي بجد أنا مش عارف أنا جاي أقولك كده ليه دلوقتي بالرغم إني قلتهالك كتير بس بجد أنت وحشاني قوي يا حبيبتي يمكن أنا حاسس إني لازم أقولهالك بصوت عالي عشان كل الناس تسمعها و بما إني مش عارف أقولهالك قدام الناس بصوت عالي فأنا هأقولهالك هنا
أنا بحبك قوي و أنت وحشااااااااااني قوي قوي قوي لغاية بكره الصبح كان نفسي أبقي جنبك علي طول عشان أنا عارف إن ده بيفرحك زي ما بيفرحني بالظبط حبيبتي أكيد هيجي اليوم اللي هنكون فيه مع بعض و أوعدك بعدها مش هأسيبك تبعدي عني و لا لحظة حتي و أنت نايمة هأجبرك تشوفيني في الحلم بالرغم إني عارف إنك بتفكري فيا علي طول مش عشان أ،ت بتقوليلي كده بس عشان أنا بحس بيكي قوي يا حبيبتي و أنت عارفه ده كويس قوي أميرتي و حبيبتي و أحلي حاجة في دنيتي أنا بحبك قوي و مش عاوزك تبقي زعلانة مني أبداً ,أنا عارف إني مقصر قوي في حقك بس و الله يا حبيبتي غصب عني أنت عارفه إني هأموت و أفضل جنبك سمحيني بجد يا حبيبتي لو كنت في يوم زعلتك و تأكدي إن ده كان غصب عني و إ،ي لو زعلتك بأكون زعلت نفسي ألف مرة بعديها
بحبك

أنا بأكره إسرائيل يا أمريكا

2006-11-22T17:30:00.000+02:00

إيه رأيكم في معاهدة السلام بين مصر و إسرائيل ؟ بصراحة أنا عارف رأيكم كويس قوي , من كام يوم كان فيه نتيجة مش عارف مركز إيه تبع الحكومة نزلها بتقول إن المصريين بيكرهوا إسرائيل بنسبة98% و بيعتبروها عدو ليهم و 60% من المصريين بيعتبروا الدنمارك عدوهم , النتيجة دي بالنسبة لينا عادية جداً و يمكن نعمل حملة عشان ندور علي ال2% المطبعين و لو أن أنا عارفهم كويس- أقولكم و ماتقولوش لحد لا مش هأقولكم- .
النتيجة دي واضح إنها عملت قلبان جامد بره مش عشان مصر لا سمح الله ليها تأثير بره لكن عشان إسرائيل هي اللي ليها تأثير الجرايد الأمريكية و علي رأسهم The newyork sun طالبت إسرائيل و أمريكا بمراجعه إتفاقية السلام بين مصر و إسرائيل و إعادة تقيمها لأن في رأيهم إن مصر ضحكت عليهم و استفادت من الإتفاقية من غير ما يحصل تطبيع – هما ما يعرفوش موضوع الكويز و لا إيه!!- و بدءت الجرايد تشرح مصر و خاصة الجانب العسكري لمصر و إزاي مصر استفادت من إتفاقية السلام في إنها تحصل علي أحدث الأسلحة الأمريكية بالرغم إن اللي مصر بتأخده واقعياً هي أسلحة أقل تطوراً أو مساوية للأسلحة اللي أداهلنا الروس أيام السادات هتسألوني و أنت تعرف منين يا فالح أقولكم يا ناصحين السنة اللي فاتت مصر أشترت بما يساوي 295 مليون دولار أمريكي صواريخ باتريوت مضادة للصواريخ -دفاعية- مين أعترض بقي؟؟ إسرائيل طبعاً فظهر تقرير إسرائيلي يؤكد أن الأسلحة اللي مصر خاديتها هي بالظبط زي الأسلحة اللي خادتها مصر من الأتحاد السوفيتي البائد و إن مصر اشتريتها من أمريكا عشان الاتحاد السوفيتي اللي زي ما قولتلكم بقي بائد بطل يصنعلها قطع غيار و بالتالي مصر قررت تشتري أسلحة بضمان راية قصدي بضمان أمريكا عشان لو العدة جرالها حاجة توديها التوكيل في بوسطن , و مع ذلك الكلام اللي حضرتكم قرتوه الصحافة و المحللين الأمريكان مصممين علي إعادة تقيم الإتفاقية لأنهم شايفين إن مصر بتبعزق فلوس علس السلاح كتير قوي و بتستفيد من علاقتها بأمريكا طبقاً لتقرير للكونجرس الأمريكي إن مصر صرفت في الفترة من 2001 حتي 2004 كانت 6.5 مليار دولار يعني بالمصري كده حوالي 36 مليار جنية مصري و ده خلاها في المرتبة الأولي عربياً و شرق أوسطياً يعني قبل كل الدول العربية و قبل إسرائيل اللي صرفت في نفس الفترة 4,8 مليار دولار و جاءت في المركز الثالث بعد السعودية اللي صرفت في نفس الفترة 5,6 مليار دولار يعني مصر صرفت أكتر من أغني دولة عربية و أكتر من الدولة اللي عايشه حالة حرب من 1948 يعني من يوم مولدها السرطاني في وسط الوطن العربي,مش بس كده ده كمان الجيش المصري من الجيوش الأعلي استعداداً بين جيوش الدول النامية و ترتيبه التالت بعد الصين و الهند طبقاً لتقرير Glance , المهم يا معلمين المحللين الأمريكانم شايفيين إن ده كتير علي مصر و إن أمريكا و إسرائيل لازم يراجعوا إتفاقية السلام مع مصر لأن مصر مش كويسة و مش حاسه النعمة اللي هي فيها أنا عاوز رأيكم في الموضوع ده يا تري نكمل الإتفاقية مع إسرائيل و أمريكا مع كل الإغراءات و التسهيلات الأمريكية اللي واخدينها بسب الإتفاقية و لا نلغيها ؟؟؟؟؟

عشان محدش يقول عليا بأهزي أو بأسرب أخبار الجيش المصري هي دي مصادر معلوماتي كاملاً

تقرير الكونجرس الأمريكي

تقرير Glance

الجرايد اللي أتكلمت في الموضوع

The New york Sun

Yedioth A7ronot

Newyork Times

يالاااااااااااااااااااااااااااااااااااااااااااااااااااااااهوي

2006-11-19T18:37:00.000+02:00

قالها حسني و خلاص يا شعب مصر الراجل قاعد قاعد مش سايبكم و لا هيتنازل عنكم حتي يأتي أمر الله

و لغاية ما يأتي فالرئيس مستمر لا تقولي إنتخابات و لا تعددية و لا بتنجانية خلاص يا مصر المرة دي الراجل قالها بالفم

المليان أنا مش ماشي من علي كرسي البلد دي غير لما أموت

...سأواصل معكم مسيرة العبور الى المستقبل .. متحملا المسئولية وأمانتها .. ما دام فى الصدر قلب ينبض ونفس

يتردد .. لا أهتز ولا أتزعزع.....

يالاااااااااااااااااااااااااااااااااااااااااااااااااااااااهوي عليكي يا مصر

كيف سيعرف الشعب المصري بوفاة الرئيس؟؟؟

2006-11-18T18:08:00.000+02:00

أنا مش عارف أنتو رأيكم إيه بس أنا رأيي المتواضع إننا هنعرف
By SMSطبعااااااااااااااا
يا ريت تتدخلوا علي التعليقات و تقولوا رأيكم إزاي الشعب المصري هيعرف ؟؟؟؟؟

عمرو دياب راجع يا رجاله

2006-11-14T21:16:00.000+02:00

أخيرا قرر عمرو دياب إصدار ألبومه الجديد تحت اسم مبديء هو خليك معايا

و هي أغنية من كلمات ايمن بهجت قمر والحان محمد يحيي

و سيتم طرح الألبوم 31-12-2006

و عمرو أتعاون في الشريط ده مع المؤلفين : مجدى النجار / بهاء الدين محمد / ايمن بهجت قمر/ خالد امين

والملحنين: عمرو مصطفى /محمد يحيي / محمد رحيم / البدرى كلباش /عمرو طنطاوى / عمرودياب

و تقريبا قام الموزع فهد بتوزيع الشريط كاملاً

عمرودياب لحن اغنيتين : ضحكت + قالتلى قول ومن كلمات بهاء الدين محمد

Stay tuned

شطة ولمون (2).. إثم شرطة..

2006-11-12T14:56:00.000+02:00

هذه التدوينة العظيمة من مدونة البراء أشرف و أنا مالي

هذه ليست محاولات للسخرية من الحادث.. فقط هي محاولة للسخرية من نفسي.. ومنكم جميعا.. شر البلية ما يضحك.. اضحك من فضلك لتدرك أنه.. شر!!

* التحرش بالصحفيات.. التحرش ببنات وسط البلد.. التحرش بالمتظاهرين.. التحرش بالمتهمين في أقسام الشرطة.. كلها أحداث وقعت في 2005 و 2006.. يبدو والله أعلم إن هذا هو .. موسم التكاثر عند المصريين..

* الشائعة التي سمعتها أكثر من مرة بعد الفيديو الأخير.. هي أن بعض الشركات الخاصة تدرس تصنيع "واقي ذكري" بيتركب من ورا..

* مطرب شاذ يسجل حاليا أغنية جديدة اسمها "هات العصاية.. وأقعد لاعبني"..

* أحزاب المعارضة قررت تقديم مشروع قانون لمجلس الشعب يجرم كل من يضبط بحوزته عصاية مقشة..

* وزارة الأوقاف "أمن الدولة سابقا".. تدرس تجريم حيازة الموبايل أبو كاميرا خصوصا لظباط الشرطة..

* سواق ميكروباص كتب على خلفية سيارته الجملة التالية : " يا ناس يا بط كفاية عط".. السواق تم احتجازه لمدة 15 يوم بعد أن شعر أمين الشرطة المسؤل عن الموقف أن السواق يقصده بكلمة "عط"..

* أصبح أمر طبيعي أن نجد ظابط منحرف يقوم بالتحرش داخل حمامات السيدات في المولات والسينمات.. الظاهرة الجديدة أن الظابط المذكور تم ضبطه أكتر من مرة.. يتحرش أيضا.. لكن في حمام.. الرجالة!!

* سين سؤال : إيه العلاقة بين ظابط الشرطة وبين سواق العربية النص نقل؟؟

جيم جواب : الإتنين مسموح لهم باستخدام بروز وأطوال!!

* على حجر "حاتم رشيد" تم العلماء أخيرا من الكشف عن كلمة فرعونية قديمة هي الكلمة الأصلية لاسم السجن الأمريكي الشهير جوانتنامو.. الكلمة الفرعونية اسمها (جوه.. أنت.. نامو) ويدرس زاهي حواس مقاضاة الإدارة الأمريكية لإثبات أن اسم السجن مصري قديم..

* في اختبارات كلية الشرطة يتم طرح السؤال التالي:

كيف تستطيع تعذيب أربع متهمين دفعة واحدة.. ؟؟ الإجابة النموذجية على السؤال تكون كالتالي..

- عن طريق الكرسي المقلوب يا فندم..

* وزارة الأوقاف المصرية تعلن مسؤليتها عن الفيديو الذي تم تسريبه للمدونات والمواقع على الإنترنت.. بيان وزارة الأوقاف يقول إن الفيديو ليس فيه تعذيب ولا حاجة.. ده بس ميكينج للإعلان الجديد اللي بتنفذه الوزارة عن.. جهنم!

* حركة معارضة جديدة اسمها "إسهال من أجل التغيير".. الحركة تقوم على فكرة توزيع حبوب تتسبب في الإسهال للمواطنين.. بحيث لو راحو إثم الشرطة وحد حاول معاهم بطريقة المقشة يقرف وينجو المواطن..

* وزارة الداخلية تدرس تغيير شعارها من "الشرطة في خدمة الشعب" إلى.. "في البدء كانت العصاية".. على أن يتم توزيع إعلانات دورية في الشارع مكتوب فيها "العصا لمن عصى"..

* منظمة الصحة العالمية تحذر من استخدام عصايتين في الوقت نفسه في تعذيب المتهم.. ووزارة الداخلية تقول أنها تستخدم عصاية واحدة للمواطن.. ويتم اعدام العصاية المستخدمة واستخدام واحدة جديدة مع كل مواطن جديد.. منعا للعدوى..

* وزارة الداخلية تدرس نقل مقرها إلى برج القاهرة.. ومحافظ القاهرة يعلن عن مشروع جديد لإقامة نصب تذكاري للعصاية المجهولة..

* sms انتشرت مؤخرا تقول أن حركة كفاية ستغير اسمها ليصبح حركة "عصاية"..

* أخبار الحوادث : وفاة مواطن في حادثة عصاية.. المخبر نسى ووضع العصاية من ناحية المقشة دون أن ينزع المقشة نفسها..

وزير الخارجة : الحادث قضاء وقدر..

الطب الشرعي : الإهمال وراء الحادث

ممتاز القط : أقترح أن يتم وضع علامات سالب وموجب على العصيان مثل الموجودة على البطاريات.. حتى يفهم المخبر من أي جهة توضع المقشة

* أخبار الحوادث (باب الغرائب والطرائف) : بعد 16 سنة من خروجه من القسم في تحقيق في قضية نشل.. استخراج ممسحة من مؤخرة تاجر مخدرات كان نشالا وهو صغير.. المؤخرة ابتلعت الممسحة ولم يشعر بها المتهم طوال 16 سنة.. واكتشفها المخبر وهو يحقق معاه بعصاية جديدة..

* أخبار الطب : نجاح جراحة عاجلة.. العصاية علقت في مؤخرة المواطن بعد أن فشل الظابط في استخدامها..

رئيس الفريق المعالج : الظابط استخدم عصاية بمقاس أكبر من مقاس المؤخرة. .

* الدستور : الصين تورد لمصر 10 مليون عصاية.. ابن مسؤل كبير وراء صفقة العصيان المشبوهة..

مقال ابراهيم عيسى : صمت العصيان

* وزارة الداخلية تمنع تماما بيع أو استخدام "اللبوس".. دراسات علمية وراء قرار المنع تفيد أن اللبوس يتسبب في ميول إجرامية لدى الأطفال..

* مصر ترفض توقيع اتفاقية دولية تحضر العصيان.. مصدر دبلوماسي : مصر لن توقع على اتفاقية حظر العصيان مهما حدث.. ولن نسمح بدخول مفتشين من هيئة العصيان الدولية..

* عصيان المدني : هو أن يبدأ الشعب نفسه في استخدام العصاية بعد أن كان استخدامها مقصورا على ظباط الشرطة.

* محلل سياسي معارض : النظام الحالي استمد شرعيته من العصاية

* أخبار الأدب : رواية جديدة بالأسواق.. قصة عصايتين

- التدوينة كتبت على قهوة البورصة بالتعاون مع : مصعب وفؤاد

- الصورة من تصميم "أحمد القطب"

To V or not to V

2006-11-11T16:58:00.000+02:00

v said:

Viola! In view a humble vaudevillian veteran,
cast vicariously as both victim and villain
by the vicissitudes of fate.
This visage, no mere veneer of vanity,
is it vestige of the vox populi, now vacant, vanished
.However, this valorous visitation of a by-gone vexation
, stands vivified, and has vowed to vanquish these venal
and virulent vermin vanguarding vice
and vouchsafing the violently vicious and
voracious violation of volition.
The only verdict is vengeance; a vendetta,
held as a votive, not in vain, for the value
and veracity of such shall one day vindicate
the vigilant and the virtuous.
Verily, this vichyssoise of verbiage veers
most verbose, so let me simply add that
it's my very good honor to meet you
and you may call me V.

النهاردة فرحه يا جدعان

2006-11-07T14:07:00.000+02:00

هيه براء أتجوز .. يا جدعان الفرح كان في كفر الشيخ و كان فرح جااااااااامد و بعد مجهود مضني خلينا براء يرقص و الباقي ممكن تشوفوه في الصور

شارك بإيجابية

Flash Slideshow

شخابيط الصباح و المساء

2006-11-03T03:03:00.000+02:00

ا خرجت مظاهرات تجتاج أنحاء القاهرة وصفت بأنها إنتفاضة للحرامية بعد وصول سعر كيلو الطماطم إلي 4 جنية و البصل إلي 4 جنية برضه و الفاصوليا 7 جنية فيما واصلت الدولة إغراق الأسواق بثمار الكوسة الطازجة.(خبر كاذب)

ب علي طريقة فايدة كامل الساحرة البرلمانية الشريرة -سابقاً- ذهب الرئيس مبارك و شد الرحال و أعد العدة ليطلب من الرئيس الروسي بوتين تغير المادة المتعلقة بفترات الولاية الرئاسية في الدستور الروسي عشان بوتين يقدر يكمل كرئيس لروسيا لأن روسيا محتاجاه , الظاهر إن الرئيس مبارك عجبه موضوع كفاية فقرر إن يحاول نشره في كل البلدان الصديقة ,يا عم الحج الرئيس أرحم الشعب الروسي مهياش ناقصاك.

ت استطاعت حكومتنا المباركة التعامل بحزم و قوة مع أحداث التحرش الأخيرة عندما قالت أنها تعتزم إغلاق محلات الخمور و مصانع المعسل في وسط البلد إلي جانب نشاطها المستمر في إغلاق مقاهي و كافتيريات وسط البلد , و قالت رداً علي أحد الأسئلة إنها بتحاول منع الرجالة من الخروج من البيوت ليلاً.

العيد العاشر للجزيرة و نظرية المؤامرة

2006-11-03T01:44:00.000+02:00

العيد العاشر للجزيرة و نظرية المؤامرة

ربما ما أذكره في هذه التدوينة قد يترتب عليه تصنيفي إلي متبع لنظرية المؤامرة و مؤمن بها أو إلي مطبع مع العدو الصهيوني أو وهابي أو يمكن إنجليزي متعصب ضد أيرلندا الشمالية , بس كل اللي أنا كاتبه مجرد كلام و إستنتاجات أعتبرها منطقية عند التفكير في أي موضوع من كل الزوايا الممكنة كما ستروا في هذه التدوينة و سأبدأ بعرض بعض الملاحظات و بعد ذلك أترك لكم الإستنتاج مع قليل من المساعدة للوصول لما وصلت إليه:

قناة البي بي سي العربية قامت بتدريب عدد كبير من الكوادر العربية و الذين من دونها ما كانوا ليصلوا لما وصلوا إليه الآن,ثم أغلقت القناة دون أن تستفيد ممن دربتهم بسبب إذاعة تقارير عن معارض سعودي كان تقريباً لاجيء سياسي ببريطانيا و كانت السعودية تريد نفية لأمريكا اللاتينية و لكن بريطانيا رفضت.

خروج السعودية من صفقة البي بي سي العربية لم يكن ليضر بالبي بي سي بالقدر الكبير لأنه كما ترون الأن فإن البي بي سي العربية في طريقها للإنطلاق فلماذا الخروج في هذا التوقيت و لماذا هذا التقرير في نفس التوقيت.

قطر ما كان لها أن تظهر صورتها أو يعلو صوتها إلا بعد تعميقها للعلاقات مع إسرائيل -كل الدول العربية علي علاقة بإسرائيل- بعد ظهور الجزيرة ,قامت إسرائيل بمساعدة قطر ب10 ملاين دولارات كمساعدة منها لبناء الأكاديمية الرياضية القطرية الجديدة و استطاعت إسرائيل دعوة بيلية و مارادونا لحفل الإفتتاح .

المستفيد الوحيد من حالة إنتشار الخلافات العربية و تعميقها هو بالطبع إسرائيل كما تفعل في أي مناسبة.

لو فكرت قليلاً في هذه النقاط ستصل حتماً إلي إحدي نتيجتين إما إني بأهرتل و كل هذه الإستنتاجات من درب العبث و حرارة شمس القاهرة و سحابتها السوداء أو إن الموضوع به نقاط ما تزال في الظل و لكن يمكن إستناجاها لنصل للنتيجة الموجودة في الصورة أعلي الموضوع , وأشكرك إنك كملت الموضوع لآخره.

حتي السادسة

2006-10-31T21:31:00.001+02:00

أتعجب بشدة من فهلوة الشعب المصري في كل حاجة غير قابلة للفهلوة و تصل مراحل التعجب عندي لأعلي مستوياتها عندما أجد الشعب المصري يتعامل بغباء شديد مع البديهيات .

و من الحاجات اللي رفعت مستوي الدهشة عندي عدم ركوب المصرين للعربة الثانية في المترو المكتوب عليها للسيدات حتي السادسة و ينحشر ركاب المترو في باقي عربيات المترو بطريقة غريبة و تبقي هذه العربة شبة رايقة مقارنة بالعربيات الأخري ,

و لكسر الحاجز النفسي لدي من ركوب هذه العربة مادام الناس مش بتركبها جربت إمبارح أركب في عربية السيدات حتي السادسة و كانت الساعة ثمانية و نص تقريباً عشان اصطدم بنظرات من كم من الستات و البنات و كل ما هو أنثي تنظر لي بطريقة لو كان للنظرات مفعول لحولتني إلي خرقة قديمة -علي رأي دريني- و لم أجد أي بني أدم ذكر في العربية ؟

فكرت أركب العربية العادية بس ... باب المترو قفل طبعاً , كل هذا المشهد العبثي كان درس عملي لفهم الطريقة التي يتعامل بها المصرين مع كل حاجة في حياتهم بصراحة كده الشعب المصري إمعة و يتبع أسلوب القطيع في حياته بشكل غريب لذلك أي شيء مختلف يراه حتي لو كان هو الصح يتعامل معاه بمنطق اللي ما نعرفش نبعد عنه أو طبقاً للشعار الإنتخابي للرئيس مبارك "اللي نعرفه أحسن من اللي ما نعرفوش" .

عشان كده الحل مع الشعب ده هو صدمه و صعقه بكل الطرق لغاية ما يفوق عشان يكتشف إن اللي هو متعود عليه هو الغلط و الصح مش لازم يكون ما وجدنا أباءنا لهم عاكفون و هي دي بداية التغير إن كل الرجالة يركبوا عربية السيدات بعد السادسة .

عنيها حلوة قوي

2006-10-28T01:49:00.000+02:00

عمرك قبل كده دخلت سينما و خرجت منها و انت مش فاكر أي حاجة من الفيلم ؟!

أحياناً بيحصل لما الفيلم يكون كتكوت مثلاً أو لو دخلت السينما مع حد بتحبه ,ده اللي حصلي بالظبط أنا دخلت فيلم "لعبة الحب" مع حبيبتي أول يوم العيد و كان بقالي فترة ما شوفتهاش أكتر من 604860 ثانية تقريبا دخلت الفيلم و لاقيت رأسي من نفسها تتحرك ناحية اليسار حيث تجلس أميرتي بجواري و عينك ما تشوف إلا النور و لا كلمة من الفيلم فاكرها مش فاكر غير عنيها لما كانت تأخد بالها إني مش مركز في الفيلم فتبص لي و تضحك و ينتفض جسدي و يهدد قلبي بالقيام بعملية إنتحارية و تفجيري لو فكرت أبص الناحية التانية و يستمر الفيلم و أنا أتابع حركاتها و أنفعالتها و نظرات عنيها لأخرج من السنيما و يسألني صديقي إيه رأيك في الفيلم ؟؟

فأرد "عنيها حلوة قوي"

أحن للماضي السحيق

2006-09-15T12:16:00.000+02:00

2006-08-14T00:00:00.000+02:00

أنا .. تصدق و الله ما عرفتكش

اسمي

2006-07-30T21:43:00.001+02:00

أنا

2006-06-01T11:31:00.000+02:00

نازلين من السماء
ماسكيين إيد بعض
أنا و أنت يا حبيبتي
نقطتين مطره
بلاش نقع علي الأرض

أنت رباعي الأبعاد و لا خماسي الأبعاد!!

2006-05-07T14:14:00.000+02:00

الاختراعات والاكتشافات والكتب والافلام والاكل الحلو كل ده بسبب البعد الخامس فى ابتدائى أخدنا ان الدنيا بعدين ( س. ًص) أفلام كارتون يعنى وفى اعدادى اكتشفنا انها ثلاثية الابعاد ( س. ص. ع) وفى ثانوى اتفاجئنا انها أربعة باضافة البعد الزمنى ولكن الحقيقة ان الدنيا خماسية الابعاد.ايه حكاية البعد الخامس ده بقى ؟! .. البعد الخامس يا معلم هو الذى أنقذ دماغ أرشميدس من القطع على سيف عشماوى بتاع الامبراطور الرومانى وهو اللى عمل من نيوتن والتفاحة أشهر من مادة الميكانيكا اللى وضع أساسها نيوتن وأصبح ذكر اسمه شيئا ضروريا فى أى كتاب يحمل لقب علمى , وعشان ما أطولش عليك هو السبب فى كل الاختراعات والاكتشافات والكتب والافلام والاكل الحلو.. من الاخر كل ابداع جاء بسبب البعد الخامس اللى هو النظرة المختلفة للأشياء .. أى حد عبقرى مابقاش عبقرى عشان هو اتولد عبقرى لكنه أصبح عبقرى لما شاف البعد الخامس لاى حاجة فى الدنيا وهو ده طريقك للعبقرية فكتب المدرسة ومن بعدها ملازم الجامعة لاتصنع العبقرية بل على العكس تصنع الغباء والدهولة وتضع على باب أجدعها خيال شمع أحمر حكومى من النوع الروسى اللى يقفل وما يفتحش تانى ,أديسون بتاع المصباح الكهربائى كان بيسقط فى المدرسة بس ده مش سبب عشان تسقط لانه كان عبقرى اكتشف البعد الخامس فى ملف التانجستين وعمل اللمبة يعنى هو المسئول عن النور اللى احنا فيه دلوقتى وعشان تبقى زيه لازم تتجرد من أى حاجة تعيق خيالك أترك لخيالك العنان ماتفكرش زى الناس العادية حتى لاتصبح مثل الملايين من البشر من دخلوا الدنيا وخرجوا منها دون أن يتركوا ما يتذكرهم العالم به .بص للدنيا من الناحية التانية ـ مش ظهرها يافالح ـ اتفرج على الناس فى الشارع ـ مش المزز ـ استلهم من الدنيا عبقريتك لاتترك الامور تمر من أمامك دون أن تفحص وتمحص وتنظر فكل المشاهد أمامك تدعوك لتخرج العبقرية منها ليستمتع الناس بها.ليه الارض كروية؟!طب ليه الوقت ما بيرجعش؟! ليه الناس بتصحى بالنهار وبتنام بالليل ليه مش العكس؟! اتمرد.. أرفض ممكن الناس تكرهك.. كل العظماء كانوا كده ممكن الناس تبعد عنك وهم يعنى كانوا نفعوا مين؟! اسعى دايما للتفرد وخليك متأكد ان الناس اللى كرهتك هترجع تحبك وكل اللى نبذك هيتمنى يتصور معاك ساعتها يا pop ابقى نفض أو وافق أو حتى أرفض واشخط من حقك ما أنت بقيت عبقرى كل ده بسبب البعد الخامس بسبب نظرتك الغريبة والثاقبة للاشياء لو كنت طالب ماترضاش بالقوانين زى ماهى جادل وناقش كل القوانين تقريبا كانت غلط واتصححت ماعدا القوانين الالهية هى القوانين الثابتة.ارفض الحب التقليدى دور على البعد الخامس فى الحب.. دور فى حبك على حاجة جديدة تخليك واحد تانى غير كل اللى حبوا قبلك روميو طلع شجرة لجولييت .. عنتر جاب النوق الحمر لعبلة والناس فضلت فاكراهم أما الناس التانية الرباعية الابعاد فخلاص اتنسوا ومحدش فاكرهم ومحدش هيفتكرهم لانهم ما فكروش فى الدنيا صح .

DR. Google

2006-04-12T17:09:00.000+02:00

ما تستغربش بعد النهارده لو لاقيت واحد قاعد علي النت
و فاتح جوجل عشان يكشف علي نفسه لأن جوجل أصبح أول دكتور غير بشري في تاريخ البشرية بعد الخبر ده
جوجل يساعد الاطباء في تشخيص الامراض
قام فريق من الاطباء الاستراليين باللجوء الى محرك البحث على الانترنت جوجل لتشخيص 25 حالة مرضية نشرتها المجلة الطبية البريطانية.
وتبين في النتيجة ان التشخيص التي تم التوصل اليه بواسطة جوجل كان صحيحا في 15 حالة منها.

وقد نشرت ادارة المجلة نتائج عمل هذا الفريق في موقعها على الانترنت.

ويقول ناشرو المجلة ان محرك البحث جوجل يمكن ان يكون "مفيدا"، لكن الخبراء البريطانيين يقولون ان ذلك لا يغني عن عمل الطبيب.

وجوجل هو اشهر محرك بحث على الانترنت ويمكن بواسطته الوصول الى اكثر من 3 مليار بحث او معلومة طبية.

كما ان اللجوء الى جوجل لاغراض البحث عن معلومات طبية يعتبر من اهم استخدمات جوجل. عوارض نادرة

في الحالات الخمس والعشرين التي نشرتها المجلة الطبية البريطانية قام الفريق الاسترالي الذي يعمل في مستشفى الاميرة الكسندرا في مدينة بريسبن في استراليا بأخذ 3 الى 5 مصطلحات خاصة بكل حالة واستخدموا محرك البحث للتوصل الى تشخيص المرض.

ثم قاموا بتسجيل التشخيص الذي تم التوصل اليه عبر جوجل للحالات الثلاثة الاكثر اهمية واختاروا التشخيص الاقرب والذي يتناسب مع عوارض المرض.

وبعدها قام الاطباء بمقارنة النتائج التي تم التوصل اليها بواسطة جوجل مع التشخيص الوارد في المجلة.

تبين ان جوجل قد اعطى التشخيص الصحيح فى حوالي نصف الحالات .

وقال رئيس الفريق الدكتور تانج ان جوجل قد يفيد في التشخيص في الحالات التي تكون عوارض ومؤشرات المرض مميزة ويمكن استخدامها بسهولة في محرك البحث. مساعدة

وحذر الفريق من اللجوء الى جوجل من قبل الاشخاص العاديين لتشخيص الامراض واضافوا ان البحث يجب ان يتم من قبل الخبراء.

واشار الفريق الى ان من المفيد اللجوء الى محرك البحث جوجل في الحالات النادرة للمساعدة في تشخيص المرض.

لكن عميد الكلية الملكية للطب العام البروفيسور مايور لاكاني اكد ان لا غنى عن الاطباء في عملية تشخيص المرض.

واضاف "ان المعاينة السريرية والخبرة ضرورية دائما من اجل التوصل الى التشخيص السليم ويمكن اللجوء الى جوجل من اجل مساعدة الاطباء والمرضى فقط".

واشار الناطق باسم جمعية المرضى في بريطانيا الى ان "للاطباء معرفة واسعة جدا فيما يتعلق بظروف التشخيص ونشعر بالقلق حيال قيام الاطباء باللجوء الى الانترنت من اجل تشخيص المرض ثم ماذا لو قام المريض باعطاء معلومات غير صحيحة؟".

واضاف الناطق "رغم ان هناك العديد من المواقع الموثوقة على شبكة الانترنت لكن هناك ايضا عدد كبير من المواقع غير الموثوقة "
BBCArabic.com موضوع من
http://news.bbc.co.uk/go/pr/fr/-/hi/arabic/sci_tech/newsid_6135000/6135002.stm

موقف البنات من الجواز .. ولا موقف أحمد حلمي

2006-03-12T12:53:00.000+02:00

اكتشفت على الرغم من قلة خبرتي في الحياة وصغر المدة التي قضيتها فيها مش عارف هاخرج امتى .. أهي مدة والواحد بيخلصها .. ان البنات واخدة موقف واحد .. لا مش موقف سياسي ولا اجتماعي ولا حتى أحمد حلمي ده موقف من الجواز قال ايه البنات مش عايزين يتجوزوا وكلهم مش بيفكروا في الحكاية دي خالص ، الحكاية كانت في المدرسة بنات المدرسة كلهم على اختلاف أشكالهم والوانهم متفقين على نفس الكلام : أنا مش عاوزة أتجوز ومش بافكر خالص في الحكاية دي .. لما أدخل الجامعة واشتغل أبقى أفكر .وبص بقى لو واحدة ارتبطت بواحد وهما في أولى ثانوي هتكلمه عن أسماء عيالهم ولون حيطان البيت والسجاجيد وهتنسى الموقف بتاع زمان خالص وكأنها ما قالتش حاجة .في الكلية الفكرة مختلفة كل بنت بتدخل الجامعة وبتقول انها جاية تدرس وتتخرج وبعدين تبقى تفكر في حكاية التعرف على رجالة أو الجواز .هما أسبوعين لا غير وبمجرد أن تتعرف على شلة ولاد هتنسى كلامها ولو ارتبطت بواحد منهم هتسمع كلام تاني خالص عن ازاي هو هيساعدها وهيشجعها على العمل والدراسة ده حتى يا أخي المرأة نصف المجتمع ووراء كل ست عظيمة رجل أعظم بيعرف يطبخ ويغسل وبيحب قعدة البيت وأدي الموقف بتاعها كمان راح في الكازوزة ، نيجي بقى للبنات اللي اتخرجت دول بقى حكايتهم حكاية وهي لأن البنات بتبدأ تحس بالخطر وإن كلامها بتاع زمان مش هيجيب نتيجة وإن الخطر قادمُ قادم ..وده مش عشان لا سمح الله هما وحشين بس علشان الظروف الاقتصادية وارتفاع قيمة الدولار وايضا ارتفاع نسبة البطالة واضمحلال المعايير والاخلاقيات وإن ما حدش عنده دم عشان يبص لهم ويبدأ كلامهم يتغير وتبدأ البنات تحاول تخفي فكرة إنها هتعنس بانشغالها بالشغل وبتقول كده للناس ودي بتكون بداية الصدام والخناقات بين المجتمع والبنات فالمجتمع بيقول عليهم عوانس وبيبدأ يرفضهم والبنات بتتقوقع على نفسها وترفض المجتمع والمشكلة في الآخر بتتكلكع وتتعك أكثر من كلكعة موقف أحمد حلمي الساعة 2 الضهر

جريدة الدستور 9/11/2005

"التمثيل سر تغيير نغمة "قصاد عينى" إلى"كلهم بيقولوا كده فى الأول

2006-03-12T12:49:00.000+02:00

"إنتى البنت إللى فى خيالى نفس الشعر و نفس العينين و نفس الجسم و..." دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى
الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها.

الدستور 14/12/2005

أنا

2006-03-03T11:50:00.000+02:00

طظ فيكي و في عنيكي
شعرك و إديكي
عشان أنا مش ليكي

أحمد فؤاد الدين

أنا

2006-03-03T11:47:00.000+02:00

كل حاجة فيكي بقت غبية
لون شعرك .... عنيكي
حتي حبك ليا

أحمد فؤاد الدين

2006-02-15T13:19:00.000+02:00

الحياة عندما لا تستطيع مواجهتها اتركها و أبكي

2006-02-15T13:13:00.000+02:00

nothing

2006-02-05T13:41:00.000+02:00

Hello

عندما أتحد العرب.......

2006-01-23T20:20:00.000+02:00

لا يوجد إنسان عربي علي وجه البسيطة غير مؤمن بأن أتحاد العرب سيكون أقوي أتحاد عرفه التاريخ و أن ذلك الأتحاد سيقضي علي أمريكا و إسرائيل و سنحتل العالم بأسره لنصبح القوي الوحيدة في العالم بلا منازع لذلك فإن العالم كله يحارب أتفاقنا أو أتحادنا و يأتي علي رأس القائمة المعادية للأتحاد إسرائيل و أمريكا ,ولكن بأمارة إية؟! لقد أتحد العرب في مواضع كثيرة و أجتمعوا علي مواقف واحدة ولكن ما النتيجة؟! النتيجة في الواقع لا شيء بل يمكن القول أننا أنحدرنا لنسقط خلف اللا شيء .
أجتمع العرب في عام1948 لتكون أكبر أنتكاسة عرفها التاريخ العربي المعاصر في رأيي وهي أحتلال فلسطين وإنشاء وطن لليهود تلاه نكسة 67التي ضاع فيها ماتبقي من كرامتنا مع بعض الأراضي وأجتمع العرب مئات المرات في إجتماعتهم المسماه القمم ليخرجوا بنفس اللاشيء و لكن اكبر أتحاد للعرب جلب لهم وللدول الإسلامية ما لم نكن نتوقعه من قبل الأحتلال الأمريكي إنه تنظيم القاعدة أكبر أتحاد عربي قائم هو بالفعل تعبير عن أتحاد العرب فالتنظيم الإرهابي يتكون هيكله الأساسي من معظم الدول العربية ولكن مع توزيع المناصب و الحصص حسب مكانة كل دولة و كعادتها مصر الرائدة أحتلت الصدارة مع السعودية فلمصر أربع أعضاء مؤثريين هم أيمن الظواهري اليد اليمنى واليسري لبن لادن وكذلك طبيبة الخاص ,وثانيهم هو المصري الملقب بسيف الدولةاسمه الأصلي محمد إبراهيم مكاوي وهو رئيس جهاز الأمن,أما ثالثهم فهو أبو محمد المصري مدير المعسكرات التدريبية بأفغانستان , و رابعهم هو ثروت صلاح شحاتة نائب الظواهري في حركة الجهاد .
أما السعودية فبالرغم من أنها لا تملك غير ثلاث مقاعد رئيسية فإن منصب الرئيس من نصيبها فرأس القاعدة هو أسامة بن لادن الغني عن التعريف , و الشخصين الآخرين هم شيخ سعيد زوج بنت بن لادن و قائد خلية التدريب في هجمات الحادي عشر من سبتمبر , و معه أبو زبيدة و يعمل قائدا ميدانيا في القاعدة .
و تتوزع باقي المقاعد علي الأردن متمثله في أبو مصعب الزرقاوي الرجل الأول للقاعدة في العراق كما يزعم الأمريكان و الكويتي المنزوع الجنسية سليمان أبو الغيث المتحدث الرسمي بأسم التنظيم واليمني رمزي بن الشيبة الذي ألقي القبض عليه و تحمله أمريكا مسئوليه تدمير المدمرة كول والسوري محمد حيد زمار المسئول عن تجنيد محمد عطا المصري و أحد المسئولين عن تفجير برجي التجارة والمغربي زكريا موسوي وهو أحد المسئولين عن تجنيد المنتحرين في هجمات الحادي عشر من سبتمبر .
هذا هو أتحادكم أيها العرب ماذا فعلتم لمحو هذه الصورة.... بالطبع لا شيء سوا الشجب و الإدانة وبالكاد نزع الجنسية, يمكنني أن أقولها الأن يا عرب لا تتحدوا !!

مصر الجديدة

2006-01-23T17:31:00.000+02:00

أثناء تناولي للعشاء أمس قمت بصناعه أول مكوك فضائي يحمل بني آداميين و يستطيع الذهاب للمريخ , أنتهيت من العشاء ثم أخذت الدائري الفضائي لأذهب إلي مصر فرع المريخ – دي غير مصر اللي إحنا عايشين عليها- بعد ما خرجت من الجوازات التي لم أنتظر فيها مطلقا أوقفت أحد سيارات التاكسي المسماه بتاكسي العاصمة التاكسي آخر موديل الأجرة محددة لكل مكان السائق غايه في الأحترام لا يتكلم كثيرا و كمان العداد ديجيتال,أستوقفني كثرة الصور المعلقة في الشوارع و مع ذلك تبدو الشوارع نظيفة جدا فسألت السائق عن السبب لأعرف أن اليوم هو يوم الاستفتاء علي تعديل الدستور –ليس مادة فيه- وذلك لتقليل بعض الإمتيازات التي يحصل عليها رئيس الجمهورية التي هي أصلا قليله علي حد زعمه وهذه الصور لبعض رؤساء الأحزاب, فطلبت منه عدم الذهاب إلي الفندق لأري ماذا سيحدث في هذه المعركة , سألت السائق عن بعض أحوال البلد , بدأت بسعر الجنية فرد قائلا أن الحكومة تسعى لتخفيض الجنية الجامح حتي لا تتأثر الصادرات المصرية للدول الخارجية , وجدت أمامي أحد الجرائد فمددت يدي لأقراه و سألت السائق هو الجرنان ده حكومي ولأ معارضة؟ قالي يابيه الجرائد دي بتاعت الشعب مش بتاعت أي حد , المهم فتحت الجرنان لأجد أخبار كثيرة في الصفحة الأولي مانشيت بالبنط العريض "ضياع فوز سهل لمنتخب مصر أمام نظيره الأرجنتيني في آخر مباريات الدور الأول لكأس العالم وبالرغم من ذلك تصدرت مصر المجموعة" سألت السائق هي مصر أتأهلت لكأس العالم يعني عدينا تصفيات كأس العالم ؟ رد و قد ظهرت علي وجهه علامات الآسى :آه ما ولاد الأبلسه لو كانوا غلبوا البرازيل في الدور قبل النهائي البطولة الي فاتت كنا هنقطع الصين في النهائي و مانحتاجش للتصفيات الي بترهق لاعبتنا علشان دوري أبطال أوروبا زودوا الفرق بتاعته , أصابتني حالة أندهاش جعلت السائق غاية في الأستغراب وقالي: فيه حاجة ؟! بصراحة سكت وقلت أكمل الجرنان أحسن . بقيت الأخبار معظمها علميه عن محاولات مصرية لتشغيل السيارات بماء البحر بدلا من الماء النقي! ,سألت السائق: فين صورة الرئيس ؟ بحلق فيا المرة دي جامد وقالي: دور عليه يمكن تلاقيله صورة له أو مقال جوه الجرنان ,لأول مرة أحس بدوار داخل سيارة ,مقال طب رئيس التحرير بيكتب فين في صفحة الوفيات !! ,رد : لا الصراحة هو ماكتبش النهاردة لكن هو بيكتب في صفحة الفن ص12. قبل أن أفيق من الصدمة توقفنا في أحد الإشارات وشاهدت شخص يهيأ لي أني شاهدته من قبل نظرت في الجريدة التي في يدي لأجده وزير الدولة للبحث العلمي سألت السائق : مش ده... قاطعني قائلا :آه ده وزير البحث العلمي الراجل ده كان كويس أول 6شهور مش عارفيين إيه اللي حصله علي العموم شكله هتتسحب منه الثقة هو كمان الناس ما بتتعلمش من أخطاء اللي سبقوهم , لم ينقذ رأسي من الصداع سوا سير الطريق الإشارة فتحت ما طولتش ,وجدت السائق قرفان سألته فيه حاجه يا أسطى قالي: مش عارف الإشارة دي هيشيلوها إمتي أنا لازم أقدم شكوي للمحافظ ,دي خلاص بقت الإشارة الوحيدة في البلد كلها دي ممكن يطير فيها وزير . وصلنا أخيرا لمقر الأستفتاء مش سامع حس و لا خبر سألت السائق: هما الناس فين أشار لي علي الناحية الأخري من الرصيف و قال: أصل أهل المنطقة دي مقاطعين الأنتخابات علشان المنطقة دي معظمها من حزب الوحدة ده حزب جديد معظمه من أهل المنطقة يقودهم نائب دايرتهم .بأستغراب طب فين الأمن المركزي و البلطجية رد أكثر أستغرابا بلطجية مين هو حد يقدر يتعدى علي حريةالتعبيرعن الرأي ده حق من حقوق الشعب اللي كفلها لهم الدستور , طلبت من السائق الذهاب إلي أي دائرة أخري طلب مني الذهاب إلي دائرته الأنتخابية أو أن أستقل تاكسي آخر لأنه لا يستطيع تفوت الأستفتاء وافقت علي الفور لإحساسي بوطنية السائق, المنظر الان مختلف تماما هناك الكثير من الناس و اللافتات كثيرة تطالب بتعديل الدستور وبرضه مش لاقي عساكر أمن مركزي فجأة وقعت عيني علي ضابط ذهبت لأساله ممكن أدلي بصوتي لو أنا مش من هنا رد بمنتهي الأحترام: حضرتك تقدر تصوت في أي لجنة طالما إنك مصري حتي لو جاي من الأرض وتبع ذلك بضحكة لذيذة لم أعهدها منهم – الضباط- أثناء إدلاء السائق برأيه في التعديل وجدت بوادر خناقة بصراحة أتبسطت قلت هي دي مصر اللي أنا عارفها ده أنا كنت قربت أنسى و لكن خيب الظابط ظني و جري لفض الأشتباك الذي أتضح إنه خناقة بين جيران ملهمش دعوة بالأنتخابات , رجعنا للسيارة وأوصلني السائق للفندق نظرت للمبلغ الظاهر علي العداد وجدته حوالي 9 جنيهات يا بلاش أخرجت من جيبي عشرة جنية مش خسارة في الرحلة دي و فجأة سمعت صوت غليظ بيقولي: عشرة جنية إية ده يا أفندي بقي من العباسية للتحرير في عز الضهر و تقولي عشرة حنية. الظاهر إننا رجعنا لمصر الأرضية أنا لازم أبطل عادت النوم في التاكسي, أشوفكم في عطارد الأسبوع اللي جاي.

2006-01-23T16:37:00.000+02:00

بث تجريبي واحد..... إتنين.....خمسة ......قشطة الدنيا مظبوطة .
أنتظروا المزيد
علي إية